21-Jun-2021

ସୋନପୁର (ମନୋରଞ୍ଜନ ତ୍ରିପାଠୀ) : ଆଜି ହେଉଛି  ବିଶ୍ଵ ଯୋଗ ଦିବସ l କୋଭିଡ଼ର କଟକଣା ହେତୁ ଛାତ୍ରଛାତ୍ରୀ ମାନେ କୁଆଡ଼େ ନ ଯାଇ ଘରେ ରହି କିପରି ଏ ଯୋଗ ଦିବସକୁ ପାଳନ କରି ପାରିବେ ସେହି ଉଦ୍ଦେଶ୍ୟରେ ଆଜି ଗୁଗଲ ମିଟ୍ ମାଧ୍ୟମରେ ଏକ ସୁନ୍ଦର କାର୍ଯ୍ୟକ୍ରମ ସୁବର୍ଣ୍ଣପୁର ଜିଲ୍ଲାର ଟି ସି ଓ ଆଶିଷ କୁମାର ଅଗ୍ରୱାଲଙ୍କ ଦ୍ଵାରା ପରିଚାଳିତ ହୋଇଥିଲା । ଘରେ ରୁହନ୍ତୁ ଓ ସୁସ୍ଥ ରୁହନ୍ତୁ ତା ସହିତ କେବଳ  ଯୋଗ ଦିବସ ରେ ଯୋଗ ନ କରି  ପ୍ରତ୍ୟେକ  ଦିନ  ନିଜ ଶରୀରର ଯତ୍ନ ପାଇଁ  ଓ ନିଜେ ସୁସ୍ଥ ରହି ଅନ୍ୟଙ୍କୁ ଏ ସମାଜକୁ ସୁସ୍ଥ ରଖିବା ପାଇଁ 

 ଏ ମହତ୍ କାର୍ଯ୍ୟ  ୟୋଗବିଦ୍ୟାକୁ ନିଜେ ଅଭ୍ୟାସ କରି ଅନ୍ୟ କୁ ଶିକ୍ଷା ଦେବାକୁ  ଅନୁଷ୍ଠାନର ମୂଖ୍ୟ କଲେଜର ଅଧ୍ୟକ୍ଷ ରାଜୀବ ଲୋଚନ ଆଚାର୍ଯ୍ୟ ଗୁରୁତ୍ବ ଦେଇ ଛାତ୍ରଛାତ୍ରୀଙ୍କୁ ପରାମର୍ଶ କରିଥିଲେ l  ସେହିପରି ପତଞ୍ଜଳି ରାଜ୍ୟ ଯୁବ କାର୍ଯ୍ୟକାରିଣୀ ସଦସ୍ୟ ତଥା ଯୋଗ ଗୁରୁ  ମନୋଜ କୁମାର ପଣ୍ଡା ସମସ୍ତ ଛାତ୍ରଛାତ୍ରୀଙ୍କ ଯୋଗ ର ଆସନ, ପ୍ରାଣାୟାମ ତଥା ଯୋଗ ଦ୍ଵାରା ଆମେ କିପରି ସୁସ୍ଥ ରହି ପାରିବା ସେ ବିଷୟରେ ଉଲ୍ଲେଖ କରିଥିଲେ । କାର୍ଯ୍ୟକ୍ରମର ମୁଖ୍ୟ ଅତିଥି କମ।ଣ୍ଡିଂ ଅଫିସର ରଂଜନ ଚକ୍ରବର୍ତ୍ତୀ ଆଗାମୀ ଦିନରେ ଯୋଗକୁ ଏନ୍ ସି ସି ର ଏକ ସ୍ବତନ୍ତ୍ର ପାର୍ଟ ଭାବେ ଯୋଡିବା  ସହିତ ଏ ମହାମାରୀ 

ସମୟରେ ୟୋଗର ଉପକାରିତା ସଂପର୍କରେ କହିଥିଲେ । ଏହି କାର୍ଯ୍ୟକ୍ରମରେ ସୋନପୁର  ମହାବିଦ୍ୟାଳୟର ଏନ୍ ସିସି ଛାତ୍ରଛାତ୍ରୀଙ୍କ ସମେତ  ଅଧ୍ୟାପକ  ଉମାକାନ୍ତ ନାଗ, ଭାରତୀ ଶତପଥୀ, ପ୍ରତିମା ରଥ, କୈଳାସ ଚାନ୍ଦ, ଶୋଭା ମିଶ୍ର, ଜୋତିର୍ମୟୀ ପ୍ରଧାନ ପ୍ରମୁଖ ଉପସ୍ଥିତ ଥିଲେ । ଶେଷରେ ଏନ୍ ସିସି ଅଧ୍ୟାପକ ଆଶିଷ ଅଗ୍ରୱାଲ ଧନ୍ୟବାଦ ଅର୍ପଣ କରିଥିଲେ ।