20-Jun-2021

ଟିଟିଲାଗଡ଼ (ପ୍ରେରଣା ଖବର) : କୋରୋନା ମୁକ୍ତ ଯୁବଗୋଷ୍ଠୀଙ୍କ ପରବର୍ତ୍ତୀ ସମସ୍ୟା ଓ ତ ର ସମାଧାନ  ଶୀର୍ଷକ ରେ ଏକ ନଭସଂଚାର  ମାଧ୍ୟମରେ  ଆଲୋଚନା ଚକ୍ର ଟିଟିଲାଗଡ  ଡିଏଭି ସ୍ବୟଂଶାସିତ  ମହାବିଦ୍ୟାଳୟ ଏନ୍ ଏସ ଏସ ତରଫରୁ ଆୟୋଜିତ ହୋଇଯାଇଛି ।ଏହି ଆଲୋଚନାଚକ୍ର ରେ  ମହାବିଦ୍ୟାଳୟ ର ଅଧ୍ୟକ୍ଷ  ସୁଶାନ୍ତ କୁମାର ପଟ୍ଟନାୟକ  ସଭାପତିତ୍ବ କରିଥିବା ବେଳେ ଏନ ଏସ ଏସ କାର୍ଯ୍ୟକ୍ରମ ଅଧିକାରୀ  ଅଧ୍ୟାପିକା ବନ୍ଦନା କର  ସ୍ବାଗତ ଭାଷଣ ଦେଇ ସଭା ପରିଚାଳନା କରିଥିଲେ ।  ଏନ ଏସ ଏସ ର ରାଜ୍ୟ ସଂଯୋଜକ  ନୀରଦ ବରନ  ଖୁଣ୍ଟିଆ  ମୁଖ୍ୟ ଅତିଥି    ଜିଲ୍ଲା  କାର୍ଯ୍ୟକ୍ରମ ଅଧିକାରୀ ହେମନ୍ତ  ମଲ୍ଲିକ ସମ୍ମାନିତ ଅତିଥି    ଓ  ସିନ୍ଧେକେଲା କ୍ଲଷ୍ଟର ସ୍ବାସ୍ଥ୍ୟ କେନ୍ଦ୍ର ର  ଡାକ୍ତର  ପ୍ରମୋଦ କୁମାର ବାରିକ ମୁଖ୍ୟ ବକ୍ତା ଭାବରେ ଯୋଗଦେଇ  କୋଭିଡ ସଚେତନତା  ଓ କୋଭିଡ ପରବର୍ତ୍ତୀ ସ୍ବାସ୍ଥ୍ୟ ସମସ୍ୟା ର ପରିଚାଳନା ସଂପର୍କରେ  ବିସ୍ତୃତ ଆଲୋଚନା କରିଥିଲେ । ଏହି  ନଭସଂଚାର ଆଲୋଚନାରେ  ବହୁ ଛାତ୍ରଛାତ୍ରୀ ଙ୍କ ସମେତ  ଡି ଏ ଭି ସ୍ବୟଂଶାସିତ ମହାବିଦ୍ୟାଳୟ ର ଅଧ୍ୟାପକ ଅଧ୍ୟାପିକା ବୃନ୍ଦ ଯୋଗ ଦେଇଥିଲେ ।