18-Jun-2021

ମୁର୍ଷୁଣ୍ଢି(ଆର୍ତ୍ତତ୍ରାଣ ଖୁରଡିଆ) :  ସୋନପୁର ଜିଲ୍ଲା ବୀରମହାରାଜପୁର ବ୍ଳକ ମୁର୍ଷୁଣ୍ଢି ପଞ୍ଚାୟତର ବଙ୍କିଆ ଓ ଭୁତିଆପାଲି ସୀମାକୁ ଲାଗି ରହିଥିବା ବଡପାହାଡରେ ପ୍ରଚୁର ରତ୍ନପଥର ଗଚ୍ଛିତ ହୋଇଥିବାରୁ ଉଭୟ ଗ୍ରାମବାସୀମାନେ ମାଟିଖୋଳୁଥିବା ଜଣାଯାଇଛି। ଫୁଟବଲ ଖେଳୁଥିବା କିଛି ବଙ୍କିଆ ଗ୍ରାମର କିଛି ଯୁବକ ରତ୍ନପଥର ପାଇବାରୁ ଘଟଣାଟି ଜଣାପଡିବା ପରେ ସାରା ଅଞ୍ଚଳରେ ଖବର ପ୍ରସାରିତ ହୋଇଯାଇଥିଲା।ଏଠାରେ ସୂଚାଇ ଦିଆଯାଇପାରେ ସ୍ଥାନୀୟ ମୁର୍ଷୁଣ୍ଢିର ଗୋପପାଲି ନିକଟରେ ଦୁଇବର୍ଷ ଆଗରୁ ମଧ୍ଯ ରତ୍ନ ପଥର ମିଳିଥିବାରୁ ଏ ଅଞ୍ଚଳର ବିଭିନ୍ନ ସ୍ଥାନରେ ପ୍ରଚୁର ପରିମାଣରେ ରତ୍ନପଥର ଗଚ୍ଛିତ ଥିବା ଲୋକେ ଆଶା କରୁଛନ୍ତି।କିଛି ବର୍ଷ ପୂର୍ବେ ଏଠାରୁ ଦଶ କିମି ଦୂର ବଡମାଲରେ ମଧ୍ୟ ଏକ ବିରାଟ ରତ୍ନପଥର ମିଳିଥିବାରୁ ପ୍ରଶାସନ ଦ୍ୱାରା ଖନନ କାର୍ଯ୍ଯକୁ ବନ୍ଦ କରି ୧୪୪ ଧାରା ଲାଗୁ କରିଥିଲେ,ସୁତରାଂ ବୀରମହାରାଜପୁର ଅଞ୍ଚଳକୁ ରତ୍ନପଥରର ଭଣ୍ଡାର କହିଲେ ମଧ୍ଯ ଅତ୍ୟୁକ୍ତି ହେବ ନାହିଁ