18-Jun-2021

ବିନିକା(ହିମାଂଶୁ ଶେଖର ପୁଟେଲ): ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ବାଉଁଶୁଣୀ ଗ୍ରାମର ଅଜିତ ପାଣ୍ଡେ ଓ ତାଙ୍କ ସ୍ତ୍ରୀ  ତାମିଲନାଡୁର ଦାରାବରମ ଜିଲ୍ଲାର ତିରପୁରକୁ କାମ ପାଇଁ ଯାଇଥିଲେ l ତାଙ୍କ ସ୍ତ୍ରୀଙ୍କ ସ୍ବାସ୍ଥ୍ୟ ଖରାପ ଥିବା ବେଳେ ମାଲିକ ତାଙ୍କୁ ଗୋଟେ ଘରେ ବନ୍ଦି କରି ରଖି ଚିକିତ୍ସା ପାଇଁ ବାହାରକୁ ଛାଡୁ ନ ଥିଲେ I ଏପରିକି ଖାଇବା ପିଇବା ପାଇଁ ପଇସା ଦେଉ ନ ଥବା ମଧ୍ୟ ଅଭିଯୋଗ କରିଛନ୍ତି ଅଜିତ I ଏଭଳି ଅବସ୍ଥାରେ କାହାକୁ ନ ପାଇ ଅଜିତ ମୋବାଇଲରେ ଏକ ଭିଡିଓ କରି ସାମାଜିକ ଗଣମାଧ୍ୟମରେ ପୋଷ୍ଟ କରିଥିଲେ।
ତାଙ୍କୁ ଉଦ୍ଧାର ପାଇଁ ସାମାଜିକ ଗଣମାଧ୍ୟମରେ ଭିଡିଓ ମେସେଜ କରି  ବିଭିନ୍ନ ପ୍ରାନ୍ତ ରୁ ପ୍ରଶାସନକୁ ଗୁହାରି କରାଯାଇଥିଲା l ଶେଷରେ ପ୍ରଶାସନର ପ୍ରଚେଷ୍ଟା ବଳରେ ଉଦ୍ଧାର ହୋଇ ନିଜ ଘରକୁ ଫେରିଛନ୍ତି। ତାମିଲନାଡୁରୁ ରେଳ ଯୋଗେ ବଲାଙ୍ଗୀର 

ରେଳ ଷ୍ଟେସନକୁ ପହଂଚି ଥିଲେ। ସୁବର୍ଣ୍ଣପୁର ଜିଲ୍ଲା ଶ୍ରମ ମଙ୍ଗଳ ଅଧିକାରୀ ମୋହନ କୁମ୍ଭାର ଓ ବିନିକାର ହେଲପ୍ ଟୁ ଆଦରସ୍ (H2O)  ଅନୁଷ୍ଠାନର ସ୍ବେଚ୍ଛାସେବୀ  ଜନାର୍ଦ୍ଦନ ଖମାରୀ ସେମାନଙ୍କୁ ରେଳ ଷ୍ଟେସନ ରୁ ବାଉଁଶୁଣି ନିଜ ଗ୍ରାମକୁ ଆଣି ତାଙ୍କ ଘରେ ଛାଡିଛନ୍ତି l ତେବେ ଏହି ଉଦ୍ଧାର ରେ ସୁବର୍ଣ୍ଣପୁର ଜିଲ୍ଲା ଶ୍ରମ ଅଧିକାରୀ,ଜିଲ୍ଲା ପୋଲିସ ଆରକ୍ଷୀ ଅଧିକ୍ଷକ ଏବଂ ସମ୍ବଲପୁରୀ ମହନି ଦୀପା ବାରିକଙ୍କୁ ବିଭିନ୍ନ ମହଲରେ ପ୍ରଶଂସା କରାଯାଇଛି l