18-Jun-2021

କଣ୍ଟାମାଳ (ଅକୃର ସାହୁ) କଣ୍ଟାମାଳ ବ୍ଳକ କୁଳୁତାଯୋର ପଞ୍ଚାୟତ ଫାସେଡ ଗ୍ରାମରେ ଏକ କଂକ୍ରିଟ ରାସ୍ତା ନିର୍ମାଣ ହୋଇଥିବା ବେଳେ ତାହା ଅତି ନିମ୍ନମାନର କାମ ହୋଇଥିବା ଅଭିଯୋଗ ହୋଇଛି  । ସରକାରୀ ଅନୁସାରେ ମେଟାଳିଙ୍ଗ 4 ଈଞ୍ଚ ଓ ଚିପ୍ସ  3 ଇଞ୍ଚ ରହିବା ନିୟମ ରହିଥିବା ଵେଳେ ଏଠାରେ କିନ୍ତୁ ଉଭୟ କାମ 1 ଇଞ୍ଚ ଅନୁପାତରେ କାର୍ଯ୍ୟ ହୋଇଛି  । ଖାଳିସେତୀକି ନୁହେଁ କାର୍ଯ୍ୟ ଆରମ୍ଭ ପୂର୍ବରୁ ସୁଚନା ଫଳକ ଲାଗିବାର ନିୟମ ରହିଵା ଵେଳେ ଉକ୍ତ କାମରେ ସୁଚନା ଫଳକ ମଧ୍ୟ ଲାଗି ନାହିଁ  ।ଫଳରେ ଏହା କେଉଁ ବିଭାଗର କାମ ସେ ଵଷୟରେ ସଂପୂର୍ଣ୍ଣ ତଥ୍ଯ ଜାଣି ହେଉ ନାହିଁ । ଉକ୍ତ ବିଷୟରେ ବିଭାଗୀୟ ଯନ୍ତ୍ରୀ ଲଳିତା ମାଝି ଙ୍କୁ ପଚାରିବାରୁ ଚର୍ତୁଦ୍ଦଶ କେନ୍ଦ୍ରୀୟ  ଅର୍ଥ ଅନୁଦାନରେ 2 ଲକ୍ଷ ଟଙ୍କା ବ୍ୟୟରେ ନିର୍ମିତ ଉକ୍ତ କଂକ୍ରିଟ ରାସ୍ତା ନିମ୍ନ ମାନର କାମ ହୋଇଥିବା କଥା କୁ ସେ ସ୍ଵୀକାର କରିବା ସହ ସେ ମାନଙ୍କୁ ଅଧିକ କାମ କରିବାପାଇଁ କୁହାଯାଇଛି  ବୋଲି କହିଥିଲେ  । ତେବେ ନିମ୍ନ ମାନର କଂକ୍ରିଟ ନିର୍ମାଣ କାମକୁ ପୂନଃ ନିର୍ମାଣ କରିବା ପରିବର୍ତ୍ତେ ଟିକେ ଅଧିକ କାମ କରିବାପାଇଁ କୁହାଯିବ ନେଇ ବୁଦ୍ଧିଜୀବୀ ମହଲରେ ନାପସନ୍ଦ କରାଯାଈ ଏହାର ଉଚ୍ଚ ସ୍ତରୀୟ ତଦନ୍ତ ଦାବି କରାଯାଇଛି  । ସ୍ଵଚ୍ଛ ନିର୍ମଳ ପ୍ରଶାସନ କହି ଵାହାରେ ଡିଣ୍ଡିମ ପିଟୁଥିବା କଣ୍ଟାମାଳ ପ୍ରଶାସନ ବିଭାଗୀୟ କାମକୁ ଛାୟା ଠିକାଦାର ଜରିଆରେ କାମଦେଇ ପ୍ରିୟାପ୍ରୀତି ପୋଷଣ କରି ନିମ୍ନମାନର କାର୍ଯ୍ୟ କରୁଥିବା ଅଭିଯୋଗ ହେଉଛି  । ଏହି ନିମ୍ନମାନର କାମ ଭାଙ୍ଗି ପୁନଃ ନିର୍ମାଣ କରିବା ପାଇଁ ସାଧାରଣରେ ଦାବି ହେଉଛି  ।