24-Oct-2020

ଅନଗୁଳ, (ପ୍ରେରଣା ଖବର) ବିଦ୍ୟାଳୟରେ ଅନୁପସ୍ଥିତି ପାଇଁ ଶିକ୍ଷକମାନଙ୍କୁ ମିଳିଛି ଦଣ୍ଡ। ଅନୁଗୁଳ ଜିଲ୍ଲା ଶିକ୍ଷା ଅଧିକାରୀ କଳ୍ପନା ବେହେରା ଅନୁଗୁଳ ଉଚ୍ଚ ବିଦ୍ୟାଳୟ ସମେତ ବିଭିନ୍ନ ବିଦ୍ୟାଳୟର କେତେକ ଶିକ୍ଷକ/ଶିକ୍ଷୟିତ୍ରୀଙ୍କ ଦରମା ବନ୍ଦ କରିଥିବା ଜଣାଯାଇଛି।
ବିଦ୍ୟାର୍ଥୀ ନ ଆସିଲେ ବି ଶିକ୍ଷକ ଉପସ୍ଥିତ ରହିବାକୁ ସରକାର ନିର୍ଦେଶନାମା କରିଥିଲେ। କିନ୍ତୁ, ସ୍କୁଲ ଖୋଲୁ ନ ଥିବାରୁ ଅନେକ ଶିକ୍ଷକ ବିନା ଅନୁମତିରେ ଛୁଟିରେ ରହୁଥିବା ଅଭିଯୋଗ ଉଠୁଥିଲା। ଗତ ସପ୍ତାହରେ ହଠାତ୍ ଡ଼ିଇଓ ଶ୍ରୀମତୀ ବେହେରା ଅନୁଗୁଳ ଉଚ୍ଚ ବିଦ୍ୟାଳୟରେ ପହଞ୍ଚି ଉପସ୍ଥାନ ଖାତା ଯାଞ୍ଚ କରିଥିଲେ। ସେଥିରୁ ବିଦ୍ୟାଳୟର ଆଠ ଜଣ ଶିକ୍ଷକ ନ ଥିବା ସେ ଜାଣିବାକୁ ପାଇଥିଲେ। ଏମିତିକି ଖୋଦ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ମଧୁସ୍ମିତା ନନ୍ଦ ବି ଅନୁପସ୍ଥିତ ଥିବା ଡିଇଓ ଶ୍ରୀମତୀ ବେହେରା କହିଛନ୍ତି। ଏହା ସହିତ ଅନ୍ୟାନ୍ୟ ବିଦ୍ୟାଳୟର ଶିକ୍ଷକମାନଙ୍କର ଦରମା ବନ୍ଦ କରାଯାଇଛି। ଟ୍ରେଜେରିକୁ ଏ ସମ୍ପର୍କରେ ସୂଚନା ଦିଆଯାଇଛି ବୋଲି ସେ କହିଛନ୍ତି