24-Oct-2020

ଉଲୁଣ୍ଡା୨୪ା୧୦(ଗୌରଚନ୍ଦ୍ର ପରିଛା)- ପଶ୍ଚିମ ଓଡିଶାର ପାରଂମ୍ପରିକ ପର୍ବ ହେଉଛି ନୁଆଖାଇ । ଭାଦ୍ରବ ମାସ ଶୁକ୍ଲପକ୍ଷ ପଂଚମି ତିଥିରେ ପଶ୍ଚିମ ଓଡିଶା ବାସୀ ନୁଆ ଖାଉଥିଲେ ମଧ୍ୟ  ସୁବର୍ଣ୍ଣପୁର ଜିଲ୍ଲାର  ଉଲୁଣ୍ଡା ବ୍ଲକ  ବଡଅଙ୍କରିଆ ଗ୍ରାମର ସ୍ୱତନ୍ତ୍ରତା ରହିଛି । କାରଣ ଏହି ଗ୍ରାମର ପ୍ରାୟ ୪୦ ପରିବାର  ଏକତ୍ରୀତ ହୋଇ ପୁର୍ବଗତ ତିଥିରେ ନୂଆନଖାଇ  ଆଶ୍ୱୀନ ଶୁକ୍ଲପକ୍ଷ ମହାଷ୍ଟମୀ ତିଥି ତଥା ଆଜି ନୂଆ ଖାଇଛନ୍ତି । ଯାହାକି ଉକ୍ତ ଅଂଚଲପାଇଁ ମହତ୍ୱ ରଖେ । ଆଜି  ଗ୍ରାମର ଇଷ୍ଟଦେବୀ ମାଁ ନାରାୟଣୀ ମନ୍ଦିର ପରିଶରରେ ରାତ୍ରୀ ପ୍ରାୟ ୯ଟା ବେଲେ ନୁଆଖାଇ ଉତ୍ସବ ପାଲନ କରାଯାଇଛି । ପ୍ରଥମେ ପରମ୍ପରା କ୍ରମେ ପୀଠରେ  ନିଶି ପୁଜା ଓ ଶୋହଲ ପୁଜା ସମ୍ପନ୍ନ ହୋଇଥିଲା । ପରେ ପୁର୍ବ ନିର୍ଦ୍ଧାରିତ କ୍ରମେ ମାଁଙ୍କ ପୁଜାର୍ଚନା କରାଯାଇ ଗାଁର ଗୌନ୍ତୀଆ ହୃଶିକେଷ ପଣ୍ଡାଙ୍କ ତତ୍ୱାବଧାନ କ୍ରମେ ସାମୁହିକ ନୁଆଖାଇ ପର୍ବ ଅନୁଷ୍ଠିିତ ହୋଇଥିଲା । ଠାକୁରାଣୀଙ୍କ ଠାରେ ନୁଆ ଲାଗି ହେଲା ପରେ ପୀଠ ପୁଜକ ରାତ୍ର ପାତ୍ର ଏବଂ କପିଲ ପଣ୍ଡା ସମସ୍ତଙ୍କୁ ନବାହ୍ନ ପ୍ରଦାନ କରିଥିଲେ । ପରେ ପଶ୍ଚିମ ଓଡିଶାର ଭାଇଚାରାର ପର୍ବ ବୈଜେଷ୍ଟଙ୍କୁ ସମ୍ମାନ ପୁର୍ବକ ମୁଣ୍ଡିଆ ମରା ପର୍ବ ଅନୁଷ୍ଠିତ ହୋଇଥିଲା । ଗ୍ରାମର ପୁରୁଖା ଲୋକଙ୍କ କହିବା ମତେ ପାରମ୍ପରିକ ତିଥିରେ ନାରାୟଣୀଙ୍କୁ ନୁଆଲାଗି କରାଯାଏନାହି । ଏଣୁକରି ଗ୍ରାମବାସୀ ମାଁଙ୍କ ପ୍ରସାଦକୁ ଅଷ୍ଟମି ତିଥିରେ  ନୁଆଁଖାଇ ଭାବରେ ଗ୍ରହଣ କରିଥାନ୍ତି । ଯେଉଁ ପରିବାର ସବୁ ନୁଆଁ ଖାଇନଥାନ୍ତି ସେପରିବାରର ସମସ୍ତ ସଦଶ୍ୟ ପାଣି ମଧ୍ୟ ଷ୍ପର୍ଶ କରନ୍ତି ନାହିଁ । କାରଣ ନୁଆଁ ଖାଇଥିବା ପରିବାରର ଜଳ ଷ୍ପର୍ଶ କଲେ ପରିବାରରେ ଠାକୁରାଣୀ ରୁଷ୍ଟ ହୋଇଥାନ୍ତି ବୋଲି ଏବିଶ୍ୱାଶ ରହିଛି । ଏହି ବିଶ୍ୱାଶକୁ ଆଧାର କରି ଆଜି ବଡଅଙ୍କରିଆ ଗ୍ରାମରେ ନୁଆଖାଇ ପାଳନ କରାଯାଇଛି ।