24-Oct-2020

 ବରଗଡ଼, (ମୁକୁନ୍ଦ ଦାସ) -ବରଗଡ଼ ମୁଖ୍ୟ କେନାଲରେ ପାଣିରେ ଭାସି ଯାଇ ଦୁଇ ଦିନରେ ଦୁଇ ଜଣ ନିଖୋଜ । ଘଟଣା ସ୍ଥଳ ରେ ଅଗ୍ନିଶମ ବିଭାଗ ପହଞ୍ଚି ଏବେ ବି ନିଖୋଜଙ୍କ ଚାଲିଛି ଖୋଜା ଖୋଜି ଚାଲିଛି । ଗତକାଲି ବରଗଡ ସିଦ୍ଧେଶ୍ୱର ନଗର ଅଞ୍ଚଳ ର  ଜଣେ ୭୦ ବର୍ଷୀୟ ଅବସରପ୍ରାପ୍ତ ଶିକ୍ଷକ ଜଳନ୍ଧର କଲେତ ବରଗଡ଼ ମୁଖ୍ୟ କେନାଲ ରେ ଗାଧୋଇବା ସମୟ ପାଣି ରେ ଭାସି ନିଖୋଜ ହୋଇଯାଇଥିଲେ ।  ପରେ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେବା ପରେ ପ୍ରାୟ ୪ ରୁ ୫ଘଣ୍ଟା ସମୟ ଶିକ୍ଷକ ଙ୍କୁ  ଖୋଜା ଖୋଜି କରିଥିଲେ କିନ୍ତୁ ଶିକ୍ଷକ ଙ୍କ କିଛି ପତ୍ତା ମିଳି ପାରି ନାହିଁ । ଆଜି ପୁଣି ଜଣେ ୨୨ ବର୍ଷୀୟ ଯୁବକ ବରଗଡ ତଲିପଡା ର  ଓମ୍ ପ୍ରକାଶ ଭୋଇ ବରଗଡ଼ ମୁଖ୍ୟ କେନାଲ ର ବରଡୋଲ ନିକଟରେ ଗାଧୋଉଥିବା ବେଳେ ପାଣି ରେ ବୁଡି ଯାଇ ଭାସିଯାଇଥିଲେ ।ପରେ ଖବର ପାଇ ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚି ଯୁବକଙ୍କୁ ଖୋଜା ଖୋଜି ଜାରି ରଖିଛନ୍ତି । ୨ ଦିନରେ ୨ ଜଣ ଙ୍କ କେନାଲ ରେ ନିଖୋଜ ହେବା ଘଟଣା ଯୋଗୁଁ ସହରବାସୀଙ୍କ ମଧ୍ୟରେ ଉଦବେଗ ପ୍ରକାଶ ପାଇଛି ।