09-Jun-2021

ବଲାଙ୍ଗିର (ପ୍ରେରଣା ଖବର): ବର୍ତ୍ତମାନ କରୋନା ମହାମାରୀ ସମୟରେ ସମାଜର ତଳ ସ୍ତରରେ ରହୁଥିବା ଲୋକଙ୍କ ଅବସ୍ଥା ଦୟନୀୟ ହୋଇପଡିଛି l ଲକଡାଉନ୍ ଯୋଗୁଁ ଏମାନେ କାମଧନ୍ଦା କିଛି ନପାଇ ଭୋକ ଉପାସରେ ପଡି ରହିଥିବା ବେଳେ ଏମାନଙ୍କ ମୁହଁରେ ହସ ଫୁଟାଇବା ପାଇଁ ଏକ ଛୋଟିଆ ପ୍ରୟାସ କରିଛି ବଲାଙ୍ଗିର ର ଏକ ଅନୁଷ୍ଠାନ l ବଲାଙ୍ଗୀର ସହର ସମେତ ଭୀମ ଭୋଇ ମେଡିକାଲ କଲେଜ ହସ୍ପିଟାଲରେ ସାମ୍ନା ମେନ୍ ଗେଟ୍ ନିକଟରେ ଗାତ ୨୬ ଦିନ ହେଲା ରନ୍ଧା ଖାଦ୍ୟ ବଣ୍ଟନ କରି ସମସ୍ତଙ୍କ ପ୍ରଶଂସାଭାଜନ  ହୋଇପାରିଛି ପଶ୍ଚିମ ଓଡିଶା ଯୁବା ମଂଚ (WOYM) l ପ୍ରତିଦିନ ସନ୍ଧ୍ଯା ସାତ ଟା ସମୟରେ ଭୋକିଲା ଲୋକଙ୍କୁ ରନ୍ଧା ଖାଦ୍ୟ ବଣ୍ଟନ କରୁଛନ୍ତି WOYM ର ସଦସ୍ୟ ମାନେ l ଗତକାଲି  ବଲାଙ୍ଗୀର ମ୍ୟୁନିସିପାଲଟିର କାର୍ଯ୍ୟନିର୍ବାହୀ ଅଧିକାରୀ ବିପିନ ବିହାରୀ ଦୀପ ଏବଂ ଭୀମଭୋଇ ମେଡିକାଲ କଲେଜ ହସ୍ପିଟାଲର ଅଧିକ୍ଷକ ଡା.ମହେନ୍ଦ୍ର କୁମାର ନାଏକ  କିଛି ସମୀୟ ଉପସ୍ଥିତ ରହି ଖାଦ୍ୟ ବଣ୍ଟନରେ ସହଯୋଗ କରିଥିଲେ ।
   ଏହି ସମସ୍ତ କାର୍ଯ୍ୟକ୍ରମରେ ଗୋପାଲ ଅଗ୍ରୱାଲ, ବିକାଶ , ମୌସମ , ରିଲୁ  ରଥ ଉପସ୍ଥିତ ଥିଲେ l ପ୍ରତିଦିନ ଚାଲିଥିବା ଏହି ଖାଦ୍ୟ ବଣ୍ଟନ ପରି ଏହି ମହତ୍ କାମରେ ସମସ୍ତେ ସାମିଲ ହୋଇ ଆମକୁ ଉତ୍ସାହିତ କରନ୍ତୁ ବୋଲି WOYM ର ଅଭିଷେକ ଦାଶ ଅନୁରୋଧ କରିଛନ୍ତି l