08-Jun-2021

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) :ସମ୍ପ୍ରତି ସମଗ୍ର ପଶ୍ଚିମ ଓଡିଶା ପ୍ରଚଣ୍ଡ ରୌଦ୍ରତାପରେ ଜଳୁଥିବା ବେଳେ ଓ କରୋନା ମୃତ୍ୟୁ ଲାଗି  ସମସ୍ତଙ୍କ ମନରେ ଭୟ ଥିବା  ସତ୍ବେ ମଧ୍ୟ  ସାବିତ୍ରୀ ଅମାବାସ୍ୟା ପାଇଁ  ସୁବର୍ଣ୍ଣପୁର ସହର ତିନି ଦିନ ଆଗରୁ ଚଳଚଞ୍ଚଳ ହୋଇ ଉଠିଛି l ବିଶେଷ କରି ସାବିତ୍ରୀ ମାନଙ୍କ ତାତିରେ  ବିଚରା ସତ୍ୟବାନ ମାନେ  ସେ ସବୁ ଭୟକୁ ବେଖାତିର କରି ଓ 108 ପ୍ରକାର ଫଳ ମୂଳ ସଂଗ୍ରହ ପାଇଁ ପ୍ରାଣମୁର୍ଚ୍ଛା ଉଦ୍ୟମ କରି  ସତ୍ୟବାନ ମାନେ  ଏବେ ବେହାଲ ହୋଇ  ପଡିଛନ୍ତି l ଏଣେ ପୂଜା ଓ ଲକ ଡାଉନ ମଉକା ଦେଖି  ଫଳ ବେପାରୀ ଭାଇ ମାନେ ପୁଷ ମାସ ପରି  ମୂଲ୍ୟ ର ଡାହାଣ ପଟେ ଗୋଟାଏ ଲେଖାଏଁ ଶୂନ ବସାଇ ବଜାର କୁ ଦଖଲ କରିନେଇଛନ୍ତି l ଏପଟେ ଅଣ ନିଶ୍ୱାସୀ ସତ୍ୟବାନ ମାନେ ସାବିତ୍ରୀ ଙ୍କ ଇଚ୍ଛା ପୂରଣ ପାଇଁ  କରୋନା ଓ ଅଂଶୁଘାତ କୁ ଖାତିରି ନ କରି ପୁରା ଦମ ରେ ଲାଗି ପଡିଛନ୍ତି l ଏଠାରେ ପ୍ରଶ୍ନ ଉଠେ ଯେ ସେ ପୁରାଣ ଯୁଗର ସାବିତ୍ରୀ କଣ ସତରେ ସତ୍ୟବାନ ମାନଙ୍କୁ ଏତେ ଚାପ ଦେଇଥିବେ ? କିନ୍ତୁ ତାଙ୍କ ନିଷ୍ଠା, ସତୀତ୍ବ, ତ୍ୟାଗ ଓ ସମର୍ପିତ ମନୋଭାବ ହିଁ ସତ୍ୟବାନ ଙ୍କୁ ଯମ ମୁହଁରୁ ଫେରେଇ ଆଣିପାରିଥିଲା l ଏଣୁ ବର୍ତମାନର ସାବିତ୍ରୀ ମାନେ ସେଇ ଆଦର୍ଶରେ ଅନୁପ୍ରାଣିତ ହୋଇ  ଔପଚାରିକତାରୁ ଦୁରେଇ ରହିଲେ ଭାରତ ର ସେଇ ମହାନ ନାରୀ ସଂସ୍କୃତି ଉଦଜୀବିତ ହୋଇ ପାରିବ l ବେପାରୀ ମାନଙ୍କ ଦୌରାତମ୍ୟ କମିବ l ପାରିବାରିକ ଅଶାନ୍ତି ଦୂର ହେବ  ଓ ସମାଜରେ ନାରୀ ମାନଙ୍କ ମର୍ଯ୍ୟାଦା ପ୍ରତିଷ୍ଠା ହେବ l