07-Jun-2021

କଣ୍ଟାବାଞ୍ଜି, (ଆନନ୍ଦ କୁମାର ମୋଟେ): ରାଜ୍ୟ ସରକାରଙ୍କ ପକ୍ଷରି କୋଟି କୋଟି ଟଂକା ବିଭିନ୍ନ ଯୋଜନା ରେ ଖର୍ଚ୍ଚ ହେଉଛି । ହେଲେ ପ୍ରଶାସନିକ ଅଧିକାରିଙ୍କ ଉଦାସିନତା ଯୋଗୁ ଯୋଜନା ସବୁ ଲୋକଙ୍କ ପାଖକୁ ଠିକରେ ପହଂଚି ପାରୁନାହିଁ । କଣ୍ଟାବାଞ୍ଜି ଅବକାରି ଥାନା ବର୍ଷ ବର୍ଷ ହେବ ଭଡା ଘରରେ ଚାଲୁଛି । ଏହି ସମସ୍ୟାକୁ ନଜରରେ ରଖି ରାଜ୍ୟ ସରକାରଙ୍କ ପକ୍ଷରୁ ସ୍ଥାନିୟ ଦମକଳ କେନ୍ଦ୍ର ପାଖ ଠାରେ ଲକ୍ଷ ଲକ୍ଷ ଟଂକାରେ ଅବକାରି ଥାନା ତିଆରି କରାଗଲା । ଗତ ୨୦୧୮ ବର୍ଷ ମେ ମାସ ୬ ତାରିଖରେ ସେହି ସମୟରେ ଖାଦ୍ୟ ଯୋଗାଣ  ଓ ଖାଉଟି କଲ୍ୟାଣ , ସମବାୟ ମନ୍ତ୍ରି ସୁର୍ଯ୍ୟନାରାୟଣ ପାତ୍ର ଉଦଘାଟନ କରିଥିଲେ । ପୁର୍ବତନ ବିଧାୟକ ଆୟୁବ ଖାଁ ମଧ୍ୟ ଉପସ୍ଥିତ ଥିଲେ । ତେବେ ଆଜିକୁ ଥାନା ଉଦଘାଟନ ହେବା ୩ ବର୍ଷରୁ ଅଧିକ ହୋଇଥିବା ବେଳେ ଥାନା କାର୍ଯ୍ୟକ୍ଷମ ହେଉନଥିବା ଯୋଗୁ ଲକ୍ଷାଧିକ ଟଂକାରେ ତିଆରି ହୋଇଥିଲା ଥାନା ଖତ ଖାଉଛି । ଅବକାରି ଥାନା ଭଡାରେ ଚାଲୁଥିବା ବେଳେ ରାଜ୍ୟସ୍ୱ କ୍ଷତି ହେବା ସହ ସ୍ଥାୟୀ ଥାନା ନଥିବା ଯୋଗୁ କୌଣସି ଲୋକ ବେଆଇନ ମଦ କାରବାର ନେଇ  ଅଭିଯୋଗ କଲେ ଥାନାରେ ଅଧିକାଂଶ ସମୟ କର୍ମଚାରି ରହୁନଥିବା ଦେଖାଯାଏ । ଅନ୍ୟ ପକ୍ଷରେ କର୍ମଚାରିି ଅଭାବ ଯୋଗୁ ଅବକାରି ବିଭାଗ ଠିକରେ କାମ କରୁନଥିବା ମଧ୍ୟ ଦେଖାଯାଏ । ଜିଲ୍ଲା ପ୍ରଶାସନ ଧ୍ୟାମ ଦେଇ ଏହି ସମସ୍ୟାର ସମାଧାନ କରିବାକୁ ସାଧାରଣରେ ଦାବି ହେଉଛି ।