06-Jun-2021

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) : ଯେଉଁମାନେ ଦେଶ ର ଭବିଷ୍ୟତ ସେଇ  ଛାତ୍ର ଓ ଯୁବ ସମାଜ ଆଜି ଅସୁରକ୍ଷିତ ଏବଂ କୋଭିଡ ଟୀକା କରଣ ରୁ ଉପେକ୍ଷିତ  l  ରାଜ୍ୟ ସରକାର ଦୀର୍ଘ ମାସ ରୁ ଡିଣ୍ଡିମି ପିଟିଲେ ଓ ନିର୍ଦ୍ଧେଶ ବି କଲେ ଯେ,  ରାଜ୍ୟରେ ୧୮ ବର୍ଷରୁ 45 ବର୍ଷ ଲୋକ ଓ  ଯୁବସମାଜ ପାଇଁ ଯୁଦ୍ଧ କାଳୀନ ଭିତ୍ତି ରେ କୋଭିଡ  ଟୀକାକରଣ ଆରମ୍ଭ କରାଯିବ। ଏବଂ ଏହା ଏକ ଖୁସିର ମାହୋଲ ବି  ସୃଷ୍ଟି  ହୋଇଥିଲା। କିନ୍ତୁ ଏହି ଟୀକାକରଣ କେନ୍ଦ୍ର ବଲାଙ୍ଗୀର ଓ ସୁବର୍ଣ୍ଣପୁର ଜିଲ୍ଲାର କୌଣସି ଗୋଟିଏ ବି ଜାଗାରେ ନହୋଇ ଥିବା କାରଣ ଓ ସରକାର ଙ୍କ ପlତର ଅନ୍ତର ନୀତି ଯୋଗୁଁ  ଉଭୟ ଜିଲ୍ଲାର ଜନସାଧାରଣ ଙ୍କ ମନରେ ଘୋର ଅସନ୍ତୋଷ ସୃଷ୍ଟି ହୋଇଛି। କାରଣ ଉଭୟ ଜ଼ିଲ୍ଲା ର ଅନେକ ଯୁବ ବୟସ ଲୋକ ଙ୍କ କୋଭିଡ ରେ ମୃତ୍ୟ ବରଣ ଖବର ଲୋକ ଙ୍କୁ ଭୟଭିତ  ଓ ମର୍ମାହତ ବି କରିଛି l ଏବଂ ସରକାର ବୟସ୍କ ଲୋକ ଙ୍କ ଟିକାକରଣ ଆଗେ ଆରମ୍ଭ କରି ଲକ୍ଷ ଲକ୍ଷ ଟୀକା ଏକ୍ସପାରି କରିଛି ପଛେ କିନ୍ତୁ ଯୁବ ଗୋଷ୍ଟି ଙ୍କୁ ତାହା ସୁଯୋଗ ନ ଦେବା  ଲଜ୍ଜା ର ବିଷୟ ଅଟେ l ଯଦି ଟୀକା ନାହିଁ ତ ଘୋଷଣା କଲ କାହିଁ l  ଏଠାକାର ଯୁବକ ଓ ଜନସାଧାରଣ ଶହ ଶହ  କିମି ଦୂର  ସମ୍ବଲପୁରକୁ ଟୀକା ନେବା କୁ  ଯାଉଥିବା ପରିଲକ୍ଷିତ ହୋଇଛି। ଫଳରେ ସେମାନେ କେବଳ ହଇରାଣ ଓ  ଖର୍ଚାନ୍ତ  ହେଉଛନ୍ତି ତା ନୁହେଁ  ଅନେକ ଦୂର  ବଡ଼ ଓ ଭିଡ଼  ସହର କୁ ଯୁବକ ମାନେ ଯିବା ଆସିବା କରି କୋଭିଡ ଟୀକା ପ୍ରୋଟେକ୍ସନ ବଦଳରେ କୋଭିଡ ଇନଫେକ୍ସନ ର ଖୁବ ଆଶଙ୍କା  ଦେଖା ଦେଇଛି  ବୋଲି ଜ଼ିଲ୍ଲା ର ବୁଦ୍ଧିଜୀବୀ, ବିଭିନ୍ନ ଛାତ୍ର ସଂଗଠନ  ଙ୍କ ସମେତ  ବରିଷ୍ଠ ବିଜେପି ନେତା ତଥା ବରିଷ୍ଠ ଆଇନଜ୍ଞ ଶ୍ରୀ  ବଳଦେବ ବେଦବାକ  ଅଭିଯୋଗ କରିଛନ୍ତି। ତେବେ ବଲାଙ୍ଗୀର ଓ ସୁବର୍ଣ୍ଣପୁର ଜିଲ୍ଲାରେ ତିନୋଟି କ୍ୟାବିନେଟ ମନ୍ତ୍ରୀ ତଥା ଅର୍ଥମନ୍ତ୍ରୀ,  ବାଣିଜ୍ୟ ପରିବହନ, ଯୋଜନା ଓ ସମନ୍ୱୟ ମନ୍ତ୍ରୀ, ମହିଳା ଓ ଶିଶୁକଲ୍ୟାଣ ମନ୍ତ୍ରୀ ପୁଣି WODC ଅଧ୍ୟକ୍ଷ ଥିବା ବେଳେ ଏଠାରେ ଟୀକାକରଣ କେନ୍ଦ୍ର ହୋଇ ନ ପାରିବା ଏବଂ ଯେଉଁ ଛାତ୍ର ଓ ଯୁବକ ଙ୍କୁ ଆମ ଦେଶ ର ଉଜ୍ବଳ  ଭବିଷ୍ୟତ ବୋଲି ପ୍ରତ୍ୟକ୍ଷ ଭାବେ  ଅଭିଭାଷଣ ରେ ଏଇ ନେତା ମନ୍ତ୍ରୀ କହୁଛନ୍ତି ଏଠି କିନ୍ତୁ ପରୋକ୍ଷ ଭାବେ ପୁଣି ସେଇ  ଯୁବ ସମାଜ କୁ ମୃତ୍ୟ ମୁଖ କୁ ଠେଲି ଦେଉଥିବାର ଦେଖା ଦେଇଛି l ଯାହାକି  ସେମାନଙ୍କ ଅଞ୍ଚଳ ପ୍ରତି  ଚରମ ଅବହେଳାକୁ ସୁଚେଇ ଦେଉଛି ବୋଲି  ଶ୍ରୀ ବେଦବାକ କହିଛନ୍ତି। ଖୁବ ଶୀଘ୍ର   ସୋନପୁର ଓ ବଲାଙ୍ଗୀର ଜିଲ୍ଲାରେ ଯୁବକ ଙ୍କ ପାଇଁ  ଟୀକାକରଣ କେନ୍ଦ୍ର ନ ହେଲେ ତୀବ୍ର ଆନ୍ଦୋଳନ କରିବାକୁ  ଶ୍ରୀ ବେଦବାକ ପୂର୍ବ ରୁ  ଧମକ ଦେଇ ଥିବା ବେଳେ ଗତ କାଲି ଜ଼ିଲ୍ଲା କଂଗ୍ରେସ ପକ୍ଷରୁ ରାଜ୍ୟ ସରକାର ଙ୍କୁ  ସୁବର୍ଣ୍ଣପୁର ଜ଼ିଲ୍ଲାପାଳ ଙ୍କ ଜରିଆରେ ଏକ ଦାବିପତ୍ର ପ୍ରଦାନ କରିଛନ୍ତି  l କୋଉଟା ଗ୍ଲୋବାଲ ଟେଣ୍ଡର କୋଉଟା ଲୋକାଲ ଟେଣ୍ଡର  ଲୋକ ଜାଣିବାର ଦରକାର ନାହିଁ l ଲୋକ ଙ୍କ ସଙ୍କଟ ବେଳେ  ଉଭୟ ସରକାର  ପରସ୍ପର ଭିତରେ  କାଦୁଅ ଫିଙ୍ଗା  ରାଜନୀତି ନ କରି ବରଂ ଯୁଦ୍ଧ କାଳୀନ ଭିତ୍ତି ରେ  ଲୋକ ଙ୍କୁ ମୃତ୍ୟୁ ମୁଖ ରୁ ବଞ୍ଚାଇଵା କୁ ପ୍ରାଣ ପଣେ ଉଦ୍ୟମ କରିବା ଉଚିତ l ଯଦି ପରିଚାଳନା ରେ ଅକ୍ଷମ ଅଟେ ସରକାର ତାହେଲେ ଏ ପ୍ରକ୍ରିୟା କୁ ବି ଶୀଘ୍ର  ଘରୋଇ କରଣ କରିଦେବl ଉଚିତ  ବୋଲି ବୁଦ୍ଧିଜୀବୀ ମତ ଦେଇଛନ୍ତି l