06-Jun-2021

ଭୁବନେଶ୍ୱର(ସୁଭାସିସ ନାୟକ): ଗଣ ଦୁଷ୍କର୍ମ ମାମଲାରେ ପୁଲିସ ହେପାଜତରୁ ଫେରାର ହୋଇଯାଇଥିବା ଜଣେ ଅଭିଯୁକ୍ତଙ୍କୁ ୭ ବର୍ଷ ପରେ ଗିରଫ କରିବାରେ ସଫଳ ହୋଇଛି କମିସନରେଟ ପୁଲିସର  ।  ପୁଲିସ ହେପାଜତରୁ  ଫେରାର ହେବା ପରେ ଅଭିଯୁକ୍ତ ଧରିବା ପାଇ ଆରମ୍ଭ ହୋଇଥିଲା ଅପରେସନ ୱାଇଲ୍ଡ ଏସ୍କେପ  । ଏହି ଅପସରେସନ ସହାୟତାରେ ଧରାପଡିଛି ୭ ବର୍ଷ ତଳର ଫେରାର ଅଭିଯୁକ୍ତ ଭାସ୍କର ସାହୁ  । ଅଭିଯୁକ୍ତର ଘର ନୟାଗଡର ଓଡଗାଁ  । 
ସୂଚନା ଅନୁଯାୟୀ, ଅଭିଯୁକ୍ତ ୨୦୧୪ ମସିହା ଫେବୃଆାରୀରେ ଜଣେ ଯୁବତୀଙ୍କୁ ଗଣଦୁଷ୍କର୍ମ ହୋଇଥିଲା । ଏହି ଘଟଣାରେ ପୁଲିସ ଫେବୃଆରୀ ୧୩ରେ  ମୋଟ୍ ୪ ଜଣ ଅଭିଯୁକ୍ତ ଗିରଫ କରିଥିଲା ।  ସେତେବେଳେ ପୁଲିସ ଭାସ୍କରକୁ ଗିରଫ କରିଥିଲେ ମଧ୍ୟ  କୋର୍ଟ ଚାଲାଣ ବେଳେ ସେ ଫେରାର ହୋଇଯାଇଥିଲା  । 
ପୁଲିସ ପୁଣି ତଦନ୍ତ କରି ଅଭିଯୁକ୍ତକୁ ତୁରନ୍ତ ଫେବୃଆରୀ ୧୪ରେ ଗିରଫ କରିଥିଲା ।  ମାତ୍ର ଜେଲରେ ରହୁଥିବା ବେଳେ ମାମଲାର ବିଚାର ପାଇଁ କୋର୍ଟ ନେଉଥିବା ବେଳେ ୯ ଡିସେମ୍ବର ୨୦୧୪ ରେ ସେ ପୁଣି ଫେରାର ହୋଇଯାଇଥିଲା । ତେବେ ଏହି ମାମଲାରେ ୧୨ ଜୁନ ୨୦୧୪ରେ ଚାର୍ଜସିଟ୍ ଦାଖଲ କରାଯାଇଥିଲା  । ଶେଷରେ ତାଙ୍କୁ ଧରିବା ପାଇଁ ବ ଅପରେସନ ‘ୱାଇଲ୍ଡ ଏସ୍କେପ’ ଆରମ୍ଭ ହୋଇଥିଲା ।  ଏହି ଅପରେସନରେ ପୁଲିସ ଶେଷରେ ତାଙ୍କୁ ନୟାଗଡରୁ ଗିରଫ କରିଥିବା ସୂଚନା ମିଳିଛି ।