04-Jun-2021

ଭୁବନେଶର(ପ୍ରେରଣା ଖବର ବ୍ୟୁରୋ) : ରାଜ୍ୟରେ କରୋନା ପରିସ୍ଥିତିକୁ ଦୃଷ୍ଟିରେ ରଖି ଗତ ବର୍ଷ ଭଳି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରୋନା ମହାମାରୀ ସମୟରେ  ମଧୁବାବୁ ପେନସନ ଯୋଜନା ଏବଂ ଜାତୀୟ ସାମାଜିକ ସୁରକ୍ଷା ଯୋଜନାରେ ହିତାଧିକାରୀଙ୍କୁ ୩ ମାସର ଅଗ୍ରୀମ ଭତ୍ତା ଦେବାକୁ ନିର୍ଦ୍ଦେଶ ଦେଇଛନ୍ତି । ଜୁନ, ଜୁଲାଇ ଓ ଅଗଷ୍ଟ ର ଭତ୍ତା ଅଗ୍ରୀମ ଆକାରରେ ଦିଆଯିବ । ଦେଢ଼ ଲକ୍ଷ ହିତାଧିକାରୀଙ୍କୁ ଇ ପେମେଂଟ ମାଧ୍ୟମରେ ଓ ବାକି ସମସ୍ତଙ୍କୁ ଘରେ ପେନସନ ଦିଆଯିବ । ଏ ସମ୍ପର୍କରେ ବିଭିନ୍ନ ଜିଲ୍ଲାପାଳ ମାନକୁ ସାମାଜିକ ସୁରକ୍ଷା ଓ ଭିନ୍ନକ୍ଷମ ଶସକ୍ତିକରଣ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ କୋଭିଡରେ ବାପା ମା'ଙ୍କୁ ହରାଇଥିବା ଅନାଥ ପିଲାମାନଙ୍କୁ ମଧୁବାବୁ କୋଭିଡ ଯୋଜନା ରେ ୬ ଟି ଜିଲ୍ଲାରୁ ୧୨ ଜଣ ପିଲାଙ୍କୁ ଚିହ୍ନଟ କରାଯାଇଛି । କେନ୍ଦ୍ରାପଡା ଓ ମୟୁରଭଞ୍ଜ ରୁ ୩ ଜଣ ଲେଖାଏଁ ଏବଂ ଭଦ୍ରକ , ରାୟଗଡା ଓ ଦେବଗଡ଼ ରୁ ୨ ଜଣ ଲେଖାଏଁ ପିଲାଙ୍କୁ ପେନସନ ଯୋଜନା ରେ ଅନ୍ତର୍ଭୁକ୍ତ କରାଯାଇଛି । ୪୮ ଲକ୍ଷ ୫୬ ହଜାର ହିତାଧିକାରୀ ଙ୍କୁ ୩ ମାସର ଅଗ୍ରୀମ ଭତ୍ତା ଦିଆଯିବ । ସର୍ବନିମ୍ନ ଭତ୍ତା ପରିମାଣ ୫ ଶହ ଟଙ୍କା ରହିଛି । ଅନାଥ ଶିଶୁ ମାନଙ୍କ ବ୍ୟାଙ୍କ ଆକାଉଣ୍ଟ ଖୋଲିବାରେ ମଧ୍ୟ ସହାୟତା କରିବେ ସରକାର ବୋଲି ସୂଚନା ଦେଇଛନ୍ତି ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ।