04-Jun-2021

ବ୍ରହ୍ମପୁର (ଉମା ମହାରଣା) :ରାଜ୍ୟ ସରକାରଙ୍କ ପଞ୍ଚାୟତି ରାଜ ଓ ପାନୀୟ ଜଳ ପ୍ରକଳ୍ପ ବିଭାଗ ପକ୍ଷରୁ ସାଳିଆ ଡ୍ୟାମ ରୁ କବିସୁର୍ଯ୍ୟନଗର ନିର୍ବାଚନ ମଣ୍ଡଳୀରେ ପାନୀୟ ଜଳ ପ୍ରକଳ୍ପ ର ସଞ୍ଜୋଗି କରଣ ପାଇଁ  ମେଗା ଜଳ ଯୋଗାଣ ପ୍ରକଲ୍ପକୁ ମଞ୍ଜୁର ମିଳିଥୁବାରୁ ଆଜି ବିଧାୟିକା ଲତିକା ପ୍ରଧାନ ଓ ଅଞ୍ଚଳବାସି ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ଧନ୍ୟବାଦ ପ୍ରଦାନ କରିଛନ୍ତି । ଅଙ୍ଗାରଗାଁ ପଞ୍ଚାୟତର ଡାହିକି ଛକ ଠାରେ  କୋଭିଡ କଟକଣା କୁ ଦୃଷ୍ଟିରେ ରଖି ଏକ ପଥ ପ୍ରାନ୍ତ ସଭା ଅନୁଷ୍ଠିତ ହୋଇଥିଲା । ଏଥିରେ ବିଧାୟିକା କହିଥିଲେ ଯେ ଏହି ପ୍ରକଲ୍ପ ପାଇଁ ୩୮୧.୦୮ କୋଟି ଟଙ୍କା ମଞ୍ଜୁରୀ ହୋଇଛି ।ଏହା ଫଳରେ ସାଳିଆ ଡ୍ୟାମ ରୁ ମେଗା ପ୍ରକଳ୍ପ ଦ୍ୱାରା  ବେଗୁନିଆପଡ଼ା ବ୍ଲକ, କବିସୁର୍ଯ୍ୟନଗର ବ୍ଲକ   ବ୍ଲକର ପ୍ରାୟ ୨୫୦ ଗ୍ରାମକୁ ବିସୁଧ ପାନୀୟ ଜଳ ଯୋଗାଣ ହୋଇ ପାରିବ । ଏଥି ସହିତ ଡ୍ୟାମର ଉନ୍ନତିକରଣ ହୋଇ ପାରିବ । ଏଥି ପାଇଁ ଅଞ୍ଚଳବାସି  ବିଧାୟିକାଙ୍କୁ ମଧ୍ୟ ଧନ୍ୟଵାଦ ଜଣାଇଛନ୍ତି । ଏହି ସଭାରେ ବ୍ଲକ ବିଜେଡି ସଭାପତି ବିଜୟ କୁମାର ଦୋରା,କବିସୁର୍ଯ୍ୟନଗର ବ୍ଲକ ଅଧ୍ୟକ୍ଷ ସନ୍ତୋଷ କୁମାର ପଣ୍ଡା,ଜିଲ୍ଲା ପରିଷଦ ଉପାଧ୍ୟକ୍ଷା ସ୍ନେହଲତା ପଣ୍ଡା,  ପୂର୍ବତନ ଜିଲ୍ଲା ପରିଷଦ ସଦସ୍ୟ ତ୍ରିନାଥ ଭୂୟାଁ, କାସିନାଥ ବେହେରା ଙ୍କ ସମେତ ଅନେକ ସରପଞ୍ଚ ଓ ବିଜେଡି କର୍ମୀ ଯୋଗ ଦେଇଥିଲେ