29-May-2021

ସମ୍ବଲପୁର(ସଂଜୀବ କୁମାର ପାଣିଗ୍ରାହୀ) : ସମ୍ବଲପୁର ସହର ର ସୁପରିଚିତ ଛାତ୍ର ବତ୍ସଳ ଘରୋଇ ଶିକ୍ଷକ ସ୍ଥାନୀୟ ଭତରା ନିବାସୀ ଗୋପେଶ ଚନ୍ଦ୍ର ପଣ୍ଡାଙ୍କ ଶୁକ୍ରବାର ରାତ୍ର ଘ. ୧୦ ଟା ୧୨ ମିନିଟ ସମୟରେ ପରଲୋକ ହୋଇଛି I ମୃତ୍ୟୁବେଳକୁ ତାଙ୍କୁ ୫୫ ବର୍ଷ ବୟସ ହୋଇଥିଲା । ଗତ ୨୪ ତାରିଖ ରେ କରୋନା ପୋଜିଟିଭ ଚି଼ହ୍ନଟ ହେବା ଏବଂ ଅମ୍ଳଜାନ ସ୍ତର କମିଯିବାରୁ ତାଙ୍କୁ ସ୍ଥାନୀୟ ଅଶ୍ବିନୀ କୋଭିଡ ହସ୍ପିଟାଲ ରେ ଭର୍ତ୍ତି କରାଯାଇଥିଲା I ବରଗଡ ଜ଼ିଲ୍ଲା ଅତାବିରା ବ୍ଲକ ବନହର ଗ୍ରାମ ମୂଳନିବାସୀ ସମ୍ବଲପୁର ଟ୍ରେଜେରୀ ବିଭାଗ ର ଅବସରପ୍ରାପ୍ତ ଅଧିକାରୀ ସ୍ୱର୍ଗତ ଦେବଦତ୍ତ ପଣ୍ଡା ଙ୍କ ପୁଅ ଗୋପେଶ ସମ୍ବଲପୁର ବିଶ୍ୱ ବିଦ୍ୟାଳୟ ରୁ ପରିସଂଖ୍ୟାନ ବିଷୟ ରେ ଏମଏ ପାସ କରିଥିଲେ I ସମ୍ବଲପୁର ସହର ରେ ସେ ଜଣେ ସୁପରିଚିତ ଘରୋଇ ଶିକ୍ଷକ ଭାବେ ବେଶ ସୁନାମ ଅର୍ଜନ କରିଥିଲେ । ହେଲପିଙ୍ଗ ସେଣ୍ଟର ନାମକ ଏକ କୋଚିଂ ସେଣ୍ଟର ଖୋଲି ଗରିବ, ଅନାଥ ତଥା ମେଧାବୀ ଛାତ୍ର/ଛାତ୍ରୀ ମାନଙ୍କୁ ମାଗଣା ରେ ଶିକ୍ଷାଦାନ କରୁଥିଲେ I ସ୍ଥାନୀୟ ରାଜଘାଟ ରେ ଆଜି ଶେଷକୃତ୍ୟ ସମ୍ପର୍ଣ ହୋଇଥିବା ବେଳେ ଏକମାତ୍ର ପୁଅ ସୌରଭ ମୁଖାଗ୍ନି ଦେଇଥିଲେ I ଗୋପେଶ ଚନ୍ଦ୍ର ପଣ୍ଡା ଙ୍କ ପରଲୋକ ଖବର ପ୍ରଚାରିତ ହେବା ପରେ ସମ୍ବଲପୁର ର ବିଦ୍ୟାର୍ଥୀ ମହଲରେ ଗଭୀର ଶୋକ ପ୍ରକାଶ ପାଇଛି । ତାଙ୍କ ଅନ୍ତେ ସ୍ତ୍ରୀ ଅନୁପମା ପଣ୍ଡା ଙ୍କୁ ଛାଡି ଯାଇଛନ୍ତି I ଶେଷ କୃତ୍ୟ ସମୟରେ ଗୋପେଶ ଙ୍କ ବଡ ଭାଇ ପଞ୍ଚାନନ ପଣ୍ଡା, ସାନ ଭାଇ ଦିନେଶ ପଣ୍ଡା, ସୁଧାଂଶୁ ଗୁରୁ, ଦିଲ୍ଲୀପ ମହାପାତ୍ର, ଶ୍ରୀନିବାସ ମହାପାତ୍ର ପ୍ରମୁଖ ବନ୍ଧୁ ପରିଜନ ରାଜଘାଟ ପହଂଚି ଶେଷ ଦର୍ଶନ ପୂର୍ବକ ଶ୍ରଦ୍ଧା ସୁମନ ଅର୍ପଣ କରିଥିଲେ I ଛାତ୍ରବତ୍ସଳ ଶିକ୍ଷକ ଗୋପେଶ ବ୍ରହ୍ମକୁମାରୀ ଆଧ୍ୟାତ୍ମିକ ଭାବଧାରା ସହିତ ଜଡ଼ିତ ଥିଲେ