28-May-2021

ବଲାଙ୍ଗିର,(ସନ୍ତୋଷ କୁମାର ଠାକୁର)- ମହାମାରୀ କରୋନାରେ ଆକ୍ରାନ୍ତ ହୋଇ ବଲାଙ୍ଗିର ବିଡିସିସି  ସଦର ବ୍ୟାଙ୍କର ମେନେଜର ଶିବୁନ ମହାନ୍ତି(୫୫)ଙ୍କ ଆଜି ଅପରାହ୍ନରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ପରଲୋକ ହୋଇଯାଇଛି । ବଲାଙ୍ଗୀର ରାଧାରାଣୀପଡା ବାସୀନ୍ଦା ଶ୍ରୀ ମହାନ୍ତି ଗତ କିଛି ଦିନ ତଳେ କରୋନାରେ ଆକ୍ରାନ୍ତ ହୋଇ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ । ସେଠାରେ ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା । ଆଜି ସକାଳେ ତାଙ୍କ ସ୍ୱାସ୍ଥ୍ୟ ଅବସ୍ଥାରେ ଆବନତି ଘଟିଥିଲା । ତେବେ ଡାକ୍ତରଙ୍କ ସକଳ ଚେଷ୍ଟା ସତ୍ତ୍ୱେ ଶ୍ରୀ ମହାନ୍ତିଙ୍କ ଅକାଳ ବିୟୋଗ ସମସ୍ତଙ୍କୁ ମର୍ମାହତ କରିଛି । ଶ୍ରୀ ମହାନ୍ତିଙ୍କ ଗୋଟିଏ ପୁଅ ଓ ଗୋଟିଏ ଝିଅ ଝିଅ ରହିଥିବା ବେଳେ ଧର୍ମପତ୍ନୀ ଶିବାନୀ ମହାନ୍ତି ଜଣେ ଗୃହିଣୀ ଅଟନ୍ତି । ଗତ ବର୍ଷ ଶିବୁନଙ୍କ ଭାଇଙ୍କ ଜଣ୍ଡିସରେ ଆକ୍ରାନ୍ତ ହୋଇ ମୃତ୍ୟୁ ହୋଇଥିଲା । ଆଜି ଶ୍ରୀ ମହାନ୍ତିଙ୍କ ମୃତ୍ୟୁ ଖବର ଶୁଣିବା ପରେ ରାଧାରାଣୀ ପଡା ଅଂଚଳରେ ଶୋକର ଛାୟା ଖେଳି ଯାଇଛି । ଶ୍ରୀ ମହାନ୍ତିଙ୍କ ପରଲୋକରେ ବିଡିସସି ବ୍ୟାଙ୍କ ଏବଂ  ବଲାଙ୍ଗିର ପବନ ଜୁଏଲେରୀ ତଥା ସୋନୀ ପରିବାର ପକ୍ଷରୁ ଅଶୃଳ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି ।