19-May-2021

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀରର ବିଶିଷ୍ଟ କୃଷକ ନେତା ଡ. ସୁଧୀର ପରିଛାଙ୍କ ଅକାଳ ବିୟୋଗରେ ବିଜୁ ଜନତା ଦଳ ପକ୍ଷରୁ ଗଭୀର ଶୋକବ୍ୟକ୍ତ କରାଯିବା ସହ ଆମର ଆତ୍ମାର ସଦ୍‌ଗତି ପାଇଁ କାମନା କରାଯାଇଛି । ବଲାଙ୍ଗୀରର ପୂର୍ବତନ ନବିଧାୟକ ତଥା ପୂର୍ବତନ ମନ୍ତ୍ରୀ ଅନଙ୍ଗ ଉଦୟ ସିଂଦେଓ  ନିଜ ବକ୍ତବ୍ୟରେ  ଲଢ଼ୁଆ ନେତା ଡ.  ସୁଧୀର ପରିଛାଙ୍କ ନିଧନ ବଲାଙ୍ଗିର ପାଇଁ ଏକ ଅପୂରଣୀୟ କ୍ଷତି ବୋଲି କହିଛନ୍ତି । ଏକଦା ଆମ ଦଳ ବିଜେଡିରେ ଥିବା ସମୟରେ ମଧ୍ୟ ଡ. ପରିଛା କୃଷକ ମାନଙ୍କ ସ୍ୱରକୁୁ ଶାଣିତ କରିବା ପାଇଁ ସଂଘର୍ଷ କରୁଥିଲେ ଓ  ସାଂଗଠନିକ ଦକ୍ଷତା ତଥା ଚାଷୀ ମାନଙ୍କ ହକ୍ ପାଇଁ ଲଢ଼େଇ କରିବା କ୍ଷେତ୍ରରେ  ତାଙ୍କର ଅବଦାନ ସ୍ମରଣୀୟ ହୋଇ ରହିବ ବୋଲି ଶ୍ରୀ ସିଂଦେଓ ନିଜ ଶୋକବାର୍ତ୍ତାରେ କହିଛନ୍ତି । ବଲାଙ୍ଗିରର ପୂର୍ବତନ ସାଂସଦ କଳିକେଶ ନାରାଣ ସିଂଦେଓ ମଧ୍ୟ ଡ, ସୁଧୀର ପରିଛାଙ୍କ ପରଲୋକରେ ଗଭୀର ଶୋକ ପ୍ରକାଶ କରିବା ସହ ଏପରି ଦୁଃଖଦ ମୁହୂର୍ତ୍ତରେ ତାଙ୍କ ପରିବାରକୁ ସମବେଦନା ଜଣାଇଛନ୍ତି । ବଲାଙ୍ଗିର ଜଣେ ଜଣେ ଆଗଧାଡିର ସାଲିସବହୀନ ଚାଷୀ ନେତାଙ୍କୁ ହରାଇଲା ବୋଲି ନିଜ ଶୋକବାର୍ତ୍ତାରେ କଳିକେଶ କହିଛନ୍ତି । ଚାଷୀ ମାନଙ୍କ ନ୍ୟାର୍ଯ୍ୟ ଅଧିକାରର କଥା ଯେତେବେଳେ ବି ଉଠିବ, ସେତେବେଳେ ସୁଧୀର ପରିଛା ମନେପଡିବେ ବୋଲି ଶ୍ରୀ ସିଂଦେଓ  ଟ୍ୱିଟ୍ କରି କହିଛନ୍ତି । ବିଜେଡିର ଯୁବ ନେତା ଅର୍କେଶ ନାରାୟଣ ସିଂଦେଓ ମଧ୍ୟ ବିଶିଷ୍ଟ ଚାଷୀ ନେତା ସୁଧୀର ପରିଛାଙ୍କ ଅକାଳ ବିୟୋଗରେ ଅଶୃଳ ଶ୍ରଦ୍ଧାଞ୍ଜଳି ଜ୍ଞାପନ କରିବା ସହ ବଲାଙ୍ଗିରର ଚାଷୀ ସମସ୍ୟା ଓ 

 ଚାଷୀ ମାନଙ୍କ ପ୍ରାପ୍ର‌୍ୟ ପ୍ରଦାନ ପାଇଁ ଡ. ପରିଛା କିପରି ପ୍ରଶାସନିକସ୍ତରରେ ଲଢ଼େଇ କରୁଥିଲେ, ତାହାର ସ୍ମୃତିଚାରଣ କରିଥିଲେ । ଡ. ପରିଛାଙ୍କ ଆଦର୍ଶ ଚିନ୍ତାଧାରା ଆମ ସମସ୍ତଙ୍କ ପାଇଁ ପ୍ରେରଣାର ଉତ୍ସ ହୋଇ ରହିବ ବୋଲି ଯୁବନେତା ଅର୍କେଶ ସିଂଦେଓ କହିଛନ୍ତି ।