15-May-2021

ଅଠଗଡ଼(ପ୍ରେରଣା ଖବର) : ଆଠଗଡ଼ ବନଖଣ୍ଡରେ ପୁଣି ସକ୍ରିୟ ବଜ୍ରକାପ୍ତା ରାକେଟ୍। ଆଠଗଡ ବନଖଣ୍ଡ ଅନ୍ତର୍ଗତ ବଡ଼ମ୍ବା ରେଞ୍ଜ ବେଲ୍ଲିଆପାଲ ଗାଁ କ୍ଲବ୍ ଭିତରୁ ସନ୍ଦେହଜନକ ଅବସ୍ଥାରେ ଜୀବନ୍ତ ବଜ୍ରକାପ୍ତା ଉଦ୍ଧାର। ତେବେ ଏହି ବଜ୍ରକାପ୍ତା କେମିତି ସେଠାକୁ ଆସିଲା ସେନେଇ ଉଠିଛି ପ୍ରଶ୍ନ.?   ସୂଚନାନୁଯାୟୀ, ଆଠଗଡ ବନଖଣ୍ଡ ଅନ୍ତର୍ଗତ ବଡ଼ମ୍ବା ରେଞ୍ଜ ଅଞ୍ଚଳରୁ ଗତକାଲି ରାତିରେ ବେଲ୍ଲିଆପାଲ ଗାଁ କ୍ଲବ୍ ଭିତରୁ ସନ୍ଦେହଜନକ ଅବସ୍ଥାରେ ଜୀବନ୍ତ ବଜ୍ରକାପ୍ତା ଉଦ୍ଧାର ହୋଇଛି। ଏହି ବଜ୍ରକାପ୍ତାକୁ ଉଦ୍ଧାର କରି ବନ ବିଭାଗକୁ ଦେଇଛନ୍ତି ସ୍ଥାନୀୟ ଯୁବକ । ଆଠଗଡ ବନ ବିଭାଗର ସୂଚନା ମୁତାବକ ବଜ୍ରକାପ୍ତାଟି ପ୍ରାୟ ୪ କିଲୋ ଓଜନର। ଏହା ଏବେ ସୁସ୍ଥ ଅଛି। ବଜ୍ରକାପ୍ତାଟିର କିଛି ପରିକ୍ଷଣ ପରେ ଜଙ୍ଗଲରେ ଛଡାଯିବ!.*ତେବେ ବର୍ତ୍ତମାନ ପ୍ରଶ୍ନ ଉଠିଛି ବଜ୍ରକାପ୍ତାଟି କ୍ଲବ୍ ଭିତରକୁ ଆସିଲା କେମିତି???? କେହି ଦୃର୍ବୁତ୍ତ ଚୋରାଚାଲାଣ ପାଇଁ ଏହାକୁ ଲୁଚାଇ ରଖିନଥିଲା ତ???? ବର୍ତ୍ତମାନ ଲକଡାଉନ ସଟଡାଉନ୍ ଚାଲିଥିବା କାରଣରୁ ସୁଯୋଗ ନପାଇ ଦୁର୍ବୃତ୍ତ ଜଣକ ବଜ୍ରକାପ୍ତାଟିକୁ ଛାଡ଼ି ଚାଲିଯାଇନି ତ???? ତେବେ ଗତ କିଛି ଦିନ ପୂର୍ବେ ଜୀବନ୍ତ ବଜ୍ରକାପ୍ତା ଉଦ୍ଧାର କରିବା ସହ ଜଣକୁ ଗିରଫ କରିଥିଲା ଏସଟିଏଫର ସ୍ଵତନ୍ତ୍ର ଟମ୍। ବାରମ୍ବାର ଏଭଳି ଘଟଣା ଘଟୁଥିଲେ ମଧ୍ୟ ଏ ନେଇ ବନ ବିଭାଗ କିଭଳି ସୁରାକ ପାଇପାରୁନି ସେନେଇ ବିଭାଗର କାର୍ଯ୍ୟ ଦକ୍ଷତା ଉପାରେ ପ୍ରଶ୍ନବଚୀ ସୃଷ୍ଟି ହୋଇଛି!.