10-May-2021

ବ୍ରହ୍ମପୁର(ଉମା ମହାରଣା): କୋରନା ରେ ଆକ୍ରାନ୍ତ ହୋଇ ଜଣେ ୧୦ ବର୍ଷୀୟ ଶିଶୁର ବ୍ରହ୍ମପୁର ଏମ୍‌କେସିଜିରେ ମୃତ୍ୟୁ ହୋଇଥିବା ସୂଚନା ମିଳିଛି । ମୃତ ଶିଶୁ ଜଣକ ବ୍ରହ୍ମପୁର ହାଉସିଂ ବୋର୍ଡ କଲୋନୀର କେଦାରନାଥ ନାୟକଙ୍କ ପୁଅ କୈଳାସ ନାୟକ ବୋଲି ଜଣାପଡ଼ିଛି । କୈଳାସ ଙ୍କ ସ୍ୱାସ୍ଥ୍ୟ ଅବସ୍ଥା ଠିକ୍ ନଥିବା ଜାଣି ତାଙ୍କ ବାପା ଚିକିତ୍ସା ନିମନ୍ତେ ବ୍ରହ୍ମପୁରଏମ୍ କେ ସି ଜି ମେଡ଼ିକାଲ ରେ ଭର୍ତ୍ତି କରିଥିଲେ ।ପରେ ତା’ର କରୋନା ଟେଷ୍ଟ ରିପୋର୍ଟ ପଜିଟିଭ୍ ଆସିଥିଲା । ଅବସ୍ଥା ଗୁରୁତର ହେବାରୁ ରବିବାର ସକାଳେ ତାକୁ ଏମ୍‌କେସିଜି କୋଭିଡ୍ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାକୁ ଅକ୍ସିଜେନ୍ ସପୋର୍ଟରେ ରଖାଯାଇଥିଲା । ଆଜି ରାତି ପ୍ରାୟ ସାଢ଼େ ୭ଟା ୪୦ରେ ତାର ମୃତ୍ୟୁ ହୋଇଥିବା ଜଣାପଡ଼ିଛି। ସୂଚନାଯୋଗ୍ୟ କୈଳାସର ବାପାମା ‘ ବ୍ରହ୍ମପୁର ହାଉସିଂ ବୋର୍ଡ କଲୋନୀରେ ରହୁଥିବାବେଳେ ଉକ୍ତ ଛୁଆ କୁ ହେମୋ ଫିଲିଆ ପୂର୍ବରୁ ଥିବା ତାଙ୍କ ବାପା କହିଲେ ହେମୋଫେଲିଆ ଏକ ରୋଗ ଯେଉଁ ରୋଗରେ କି ଶରୀରର କୌଣସି ସ୍ଥାନରେ ଖଣ୍ଡିଆ ହୋଇ ରକ୍ତ ବାହାରେ ତେବେ ତାହା ଆଦୌ ବନ୍ଦ ହୁଏ ନାହିଁ । ଏହି ରୋଗର ଚିକିତ୍ସା ନାହିଁ । ଯଦି ବା ବିଦେଶରେ ଅଛି ଏହା ବହୁତ୍ ଖର୍ଚ୍ଚାନ୍ତ । ଶିଶୁ ଧୀରେ ଧୀରେ ବଡ ହେଲେ ରୋଗର ଜଟୀଳତା ବଢ଼ିଥାଏ ବୋଲି ଡାକ୍ତର ପକ୍ଷରୁ ସୂଚନା ।