02-May-2021

ବଲାଙ୍ଗିର(ପ୍ରେରଣା ଖବର) ନାରୀ ମାନଙ୍କ ଅଧିକାର ଓ ତାଙ୍କର ବିଭିନ୍ନ ସମସ୍ୟାର ସମାଧାନ ଦିଗରେ କାମ କରୁଥିବା ଅନୁଷ୍ଠାନ ନାରୀ ଶକ୍ତି ଫାଉଣ୍ଡେସନ କରୋନା କାଳରେ ମଧ୍ୟ ମହିଳା ମାନଙ୍କ ସୁଖଦୁଃକରେ ଭାଗିଦାର ହୋଇଛି ।  ଏହି କ୍ରମରେ ମହିଳା ମାନେ ଘରେ ରହି ତଥା କୋଭିଡ଼ ଗାଇଡଲାଇନ୍‌କୁ ପାଳନ କରି କିପରି ନିଜକୁ ଓ     ନିଜ ପରିବାରକୁ ସୁରକ୍ଷିତ ରଖିପାରିବେ ସେ ସଂପର୍କରେ ସଚେତନତା ବାର୍ତ୍ତା ଦେଇଛି ନାରୀ ଶକ୍ତି ଫାଉଣ୍ଡେସନ । ପ୍ରତିଦିନ ବାହାରକୁ ବାହାରୁଥିବା କ୍ଷୀର ବାଲା, ପନିପରିବା ବାଲା କିମ୍ବା ଆମ ଘରକୁ କାମ କରି ଆସୁଥିବା ପୁରୁଷ/ମହିଳା ମାନେ କିପରି କରୋନା ଦାଉରୁ ନିଜକୁ ସୁରକ୍ଷିତ ରଖିପାରିବେ ସେ ସଂପର୍କରେ ଲୋକଙ୍କୁ ସଚେତନ କରିଛନ୍ତି ନାରୀ ଶକ୍ତି ଫାଉଣ୍ଡେସନର ସଭ୍ୟା ମାନେ । ଅନୁଷ୍ଠାନର  ଜଗଦମ୍ବା ନାଏକ, ମଂଜରୀ ବେଚ୍‌, ଆରତୀ ବେଚ୍ ଓ ଅଂଜଳୀ ବେଚ୍ ପ୍ରମୁଖ ଏପରି ସାମାଜିକ କାମରେ ନିଜକୁ ସଂଶ୍ଲିଷ୍ଟ କରି ଅନ୍ୟ ମାନଙ୍କ ପାଇଁ ଉଦାହରଣ ପାଲଟିଛନ୍ତି । ଆଗକୁ କରୋନା ସଚେତନତା ବାର୍ତ୍ତାକୁ ଘରେ ଘରେ ପହଞ୍ଚା ଯିବ ବୋଲି ନାରୀ ଶକ୍ତି ଫାଉଣ୍ଡେସନର ସଂପାଦିକା ନୂତନ ଦାସ ସୂଚନା ଦେଇଛନ୍ତି ।