02-May-2021

କଣ୍ଟାବାଞ୍ଜି (ପ୍ରେରଣା ଖବର) :କରୋନାର ଦ୍ୱିତୀୟ ଲହର ଜନ ଜୀବନକୁ ଅସ୍ତବ୍ୟସ୍ତ କରୁଥିବା ବେଳେ ରକ୍ତର ଘୋର ଅଭାବ ଦେଖାଦେଇଛି।ପ୍ରତିଦିନ କଣ୍ଟାବାଞ୍ଜି ଡାକ୍ତରଖାନାରେ ରୋଗୀ ସଂଖ୍ୟା ବୃଦ୍ଧି ପାଉଥିବା ବେଳେ ରକ୍ତର ମଧ୍ୟ ଆବଶ୍ୟକତା ବଢ଼ିବାରେ ଲାଗିଛି।ଆଜି ପାଞ୍ଚ ଜଣ ରୋଗୀଙ୍କୁ ରକ୍ତର ଜରୁରୀ ଆବଶ୍ୟକତା ପଡିଥିଲା।ଏହି ଖବର ପାଇବା ପରେ ଜୁନିୟର

ରେଡକ୍ରସ ପରାମର୍ଶ ଦାତା ଶ୍ରୀ ବିରଞ୍ଚି ନାରାୟଣ ଦାଶ ସୋସିଆଲ ମିଡ଼ିଆର ବିଭିନ୍ନ ଗ୍ରୁପରେ ରକ୍ତର ଆବଶ୍ୟକତା ଅଛି ବୋଲି ବାର୍ତା ଦେଇଥିଲେ।ଖବର ଜାଣିବା ପରେ ସ୍ୱଇଛ୍ଛାରେ କିଛି ରକ୍ତଦାତା ଆଶିଷ ଜୈନ,ପରମାନନ୍ଦ ପୁଟେଲ, ଅଜୟ ଅଗ୍ରୱାଲ, ବିକାଶ ବାଗ, ସୁମିତ ଶର୍ମା 

ଆଦି ବି ନେଗେଟିଭ,ବି ପୋଜିଟିଭ,ଓ ପୋଜିଟିଭ, ଏଟୁ ପୋଜିଟିଭ ରକ୍ତ ଦେଇଥିଲେ।ଅଶୁରଲା ଗ୍ରାମର ପାୟଲ ନାଗ,ଅହଲ୍ୟା ସାହୁ,ଘୁମେର,ଝିକିଡୁଙ୍ଗୁରି,କଣ୍ଟାବାଞ୍ଜିର ରୋଗୀ ମାନେ ରକ୍ତ ପାଇଥିଲେ।ଏହି ମହତ କାର୍ଯ୍ୟରେ ସମାଜସେବୀ ରବିନାରାୟଣ ଅଗ୍ରୱାଲ, ଆଶିଷ ଖୈତାନ,ସଂଗ୍ରାମ ତ୍ରିପାଠୀ ଆଦି ସହଯୋଗ କରିଥିଲେ।ରକ୍ତ ସଂଗ୍ରହ ବେଳେ ଡାକ୍ତର ଏସ.ପି.ଡି.ପଣ୍ଡା,ପ୍ରଶାନ୍ତ ସାହୁ ଉପସ୍ଥିତ ଥିଲେ।