26-Apr-2021

ଉଲୁଣ୍ଡା(ଗୌର ଚନ୍ଦ୍ର ପରିଛା)- ନିର୍ମାଣ ହୋଇଥିବା ସାଇକେଲ ଷ୍ଟାଣ୍ଡକୁ ଦିଆଯାଇଛି ପ୍ଲାଟଫର୍ମର ରୂପ ।  କାନ୍ଥରେ ଟ୍ରେନର ଚିତ୍ର କରାଯାଇ ପାତାଳିି ଶ୍ରୀକ୍ଷେତ୍ର ଏକ୍ସପ୍ରେସ୍ ଭାବରେ ନାମିତ କରାଯାଇଛି । ଯାହାକୁ ଦେଖିଲେ ଏକ ଟ୍ରେନ ଛିଡା ହୋଇଛି ଭଳି ଦେଖାଯାଉଛି । ଏଭଲି ଏକ ଚିତ୍ର ଦେଖିବାକୁ ମିଲିଛି ଉଲୁଣ୍ଡା ବ୍ଲକ ଜାଲୋଏ କ୍ଲଷ୍ଟରର କଇରାଝୂଲି ସ୍କୁଲରେ ।   ପ୍ରକାଶ ଯେ ଏହି ସ୍କୁଲକୁ ୧୨ ଖଣ୍ଡ ଗାଁରୁ ଛାତ୍ରଛାତ୍ରୀ ମାନେ ପଢିବାକୁ ଆସୁଛନ୍ତି । ଗ୍ରାମାଂଚଲର ଛାତ୍ରଛାତ୍ରୀ ମାନେ ପ୍ରାୟତଃ ଟ୍ରେନ ଦେଖିନାହାନ୍ତି । ସେଭଳି ପିଲାମାନେ ଯେମିତି ସ୍କୁଲ ପ୍ରତି ଆକୃଷ୍ଟ ହେବା ସହିତ ଟ୍ରେନ, ପ୍ଲାଟଫର୍ମ ବିଷୟରେ ଧାରଣା ଆସିବ । ଏଥି ସହିତ ପାତାଳୀ ଶ୍ରୀକ୍ଷେତ୍ରରୁ ପୁରୀକୁ ରେଲପଥର ସଂଯୋଗ ପାଇଁ ଜନଜାଗରଣ ସୃଷ୍ଟି ନିମନ୍ତେ ଅଂଚଲବାସୀଙ୍କୁ ସଚେତନ କରିବା ପାଇଁ  ଭିନ୍ନ ପ୍ରୟାସ କରାଯାଇଥିବା ପ୍ରଧାନ ଶିକ୍ଷକ ଜନାର୍ଦନ ସାହୁ ପ୍ରକାଶ କରିଛନ୍ତି । । ସ୍କୁଲର ସାଇକେଲ ଷ୍ଟାଣ୍ଡରେ ପ୍ଲାଟଫର୍ମର ଚିତ୍ର କରାଯାଇଛି । କାନ୍ଥରେ  ଟ୍ରେନର ଚିତ୍ର କରାଯାଇ ପାତାଲୀ ଶ୍ରୀକ୍ଷେତ୍ର ନାମରେ ନାମିତ କରାଯାଇଛି ଏବଂ ଷ୍ଟେସନର ନାଁ ରଖାଯାଇଛି କଇରାଝୁଲି ଜଙ୍କସନ୍ । ଏଥି ସହିତ ଟ୍ରେନ ଢାଂଚାରେ ବଗି ମାନଙ୍କର ନାମ ଏସ ୧ ଓ ଡିଏସ ରଖିବା ସହ ଟ୍ରେନର ନମ୍ବର ମଧ୍ୟ ଦିଆଯାଇଛି । ଟ୍ରେନକୁ ପାତାଳି ଶ୍ରୀକ୍ଷେତ୍ର କୋଟସମଲାଇରୁ ପୁରୀକୁ ମଧ୍ୟ ସଂଯୋଗ କରାଯାଇଛି ।  ଦେଖିଲେ ଲାଗୁଛି ଏକ ଟ୍ରେନ ଛିଡା ରହିଛି । ଶିକ୍ଷକ ମାନଙ୍କ ଏଭଲି ନିଷ୍ଠାପର  ଉଦ୍ୟମ ଏବଂ ସ୍ଥାନୀୟ ଚିତ୍ରକାର  ପ୍ରଭାସ ମେହେରଙ୍କ ତୁଳୀର ଯାଦୁଗରୀକୁ ଅଂଚଲରେ ପଶଂସା କରାଯାଇଛି ।  ଏହାକୁ ଦେଖିବା ପାଇଁ ସ୍କୁଲରେ ଲୋକଙ୍କ ଭିଡ ଲାଗି ରହୁଛି ।