25-Apr-2021

ଭୁବନେଶ୍ୱର: (ଶୁଭାଶିଷ ନାୟକ)ଦେଶରେ କରୋନା ସଂକ୍ରମଣ ଦୃତ ଗତିରେ ବଢି ଚାଲିଛି  । ଦୈନିକ ୩ ଲକ୍ଷରୁ ଅଧିକ ସଂକ୍ରମିତ ଚିହ୍ନଟ ହେଉଥିବା ବେଳେ ମୃତୁ୍ୟ ସଂଖ୍ୟା ୨ ହଜାରରୁ ଅଧିକ ରହୁଛି ।  ଏପରି ସ୍ଥଳେ ବ୍ୟାଙ୍କଗୁଡ଼ିକ ଶାଖାଗୁଡ଼ିକରେ କାରବାର ସମୟ କମାଇବାକୁ ନିଷ୍ପତ୍ତି ନେଇଛନ୍ତି । ବ୍ୟାଙ୍କ ଶାଖାରେ କର୍ମଚାରୀ ଉପସ୍ଥାନ ୫୦% କମ୍ କରାଯିବକୁ ମଧ୍ୟ କୁହାଯାଇଛି । ଭାରତୀୟ ବ୍ୟାଙ୍କ ସଂଘ (ଆଇବିଏ)ର ଏକ ବୈଠକରେ ଏ ନେଇ ନିଷ୍ପତ୍ତ ନିଆଯାଇଛି । ଏହାଉପରେ ବ୍ୟାଙ୍କଗୁଡ଼ିକୁ ନିଦେ୍ର୍ଧଶନାମା ଜାରି କରାଯାଇଛି । ଏଣିକି ବ୍ୟାଙ୍କ ଶାଖାଗୁଡ଼ିକ କାରବାର ସକାଳ ୧୦ଟାରୁ ଅପରାହ୍ନ ୨ଟା ପର୍ଯ୍ୟନ୍ତ  ଖୋଲାରହିବ ।
ଏହି ସମୟରେ ଟଙ୍କା ଜମା, ଉଠାଣ, ରେମିଟାନ୍ସ ଏବଂ ସରକାରୀ ଦେଣନେଣ ଭଳି ୪ଟି ଜରୁରୀ ସେବା ପ୍ରଦାନ କରାଯିବ  । ବ୍ୟାଙ୍କଗୁଡ଼ିକୁ ଏକ ଚିଠିରେ ଆଇବିଏ କହିଛି ଯେ, କାରବାର ସମୟ ପୂର୍ବାହ୍ନ ୧୦-ଅପରାହ୍ନ ୨ଟାକୁ ହ୍ରାସ କରାଯାଇ ଦ୍ୱାର ଦେଶ ବ୍ୟାଙ୍କ ସେବା ଯୋଗାଣକୁ ପ୍ରୋତ୍ସାହିତ କରାଯାଇପାରିବ ।  ତେବେ ଅପରାହ୍ନ ୨ ଟା ପରେ ବ୍ୟାଙ୍କର ଅଲଗା କାର୍ଯ୍ୟ ସେମାନେ କରିପାରିବେ ବୋଲି କୁହାଯାଇଛି ।