22-Apr-2021

ଭୁବନେଶ୍ୱର:(ଶୁଭାଶିଷ ନାୟକ) ପ୍ରତିଦିନ ସାଇବର ଠକେଇ ନେଇ ଅଭିଯୋଗ ଆସୁଛି । ପୁଲିସ ପକ୍ଷରୁ ଲୋକମାନଙ୍କୁ ଯେତେ ସଚେତନ କଲେ ମଧ୍ୟ ଅଜ୍ଞତାର ବଶବର୍ତ୍ତି ହୋଇ ଲୋକେ ଠକେଇର ଶିକାର ହେଉଛନ୍ତି । ବିଭିନ୍ନ ଉପାୟରେ ସାଇବର ଠକମାନେ ଠକେଇ କରୁଥିବା ଦେଖିବାକୁ ମିଳୁଛି । ଏହି କ୍ରମରେ ଆଜି ଶସ୍ତାରେ ମୋବାଇଲ ରିଚାର୍ଜ କରିବାକୁ  ଦୁଇ ଲକ୍ଷ ୯୨ ହଜାର ଟଙ୍କାର ଠକେଇର ଶୀକରର ହୋଇଛନ୍ତି ରାଜଧାନୀର  ରାମଚନ୍ଦ୍ର ପୁହାଣ ।  ଏନେଇ  ରାମଚନ୍ଦ୍ର  ବୁଧବାର ଡିସିପି ଅଫିସରେ ଥିବା ସାଇବର ସେଲରେ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ପୁଲିସ ଏକ ମାମଲା ରୁୁଜୁ କରି ତଦନ୍ତ ଆରମ୍ଭ କରିଛି ।
ସୂଚନା ମୁତାବକ, ନୟାପଲ୍ଲୀ ଅଞ୍ଚଳରେ ଏକ ଘରୋଇ କମ୍ପାନୀରେ କାର୍ଯ୍ୟ କରନ୍ତି ରାମଚନ୍ଦ୍ର ପୁହାଣ  । ବୁଧବାର ତାଙ୍କ ମୋବାଇଲକୁ  ଏକ ଅଜଣା ନମ୍ବରରୁ ଏକ କଲ ଆସିଥିଲା । ମାସକୁ ୩୯୯ ବଦଳରେ ବର୍ଷକ ପାଇଁ ୧୧୯୯ ଟଙ୍କା ପଇଠ କଲେ ତାଙ୍କ ଜିଓ ନମ୍ବରରେ ପ୍ରତିଦିନ ଦେଢ ଜିବି ଡାଟା ଓ ମାଗଣା କଲର ସୁବିଧା ମିଳିପାରିବ । ଉକ୍ତ ନମ୍ବରରୁ କଲ କରିଥିବା ବ୍ୟକ୍ତି ଜଣଙ୍କ ନିଜର ଜିଓର କଷ୍ଟମର କେୟାର ଅଫିସରୁ କଲ କରିଥିବା ନେଇ ନିଜର ପରିଚୟ ଦେଇଥିଲେ ।  ପରେ ରାମଚନ୍ଦ୍ର ଏହି ଲୋଭନୀୟ ସ୍କିମ ପ୍ରେମରେ ପଡିଯାଇଥିଲେ । ସାଇବର ଠକଙ୍କ କହିବା ଅନୁସାରେ ସେମାନେ ପଠାଇଥିବା ଏକ ଲିଙ୍କ୍ରେ ଲଗ ଇନ୍ କରିଥିଲେ । ପରେ ଠକଙ୍କୁ ନିଜର ଲଗଇନ୍ ଆଡି ଏବଂ ପାସୱାର୍ଡ ମଧ୍ୟ କହିଥିଲେ । ଏହାର କିଛଇ ସମୟ ପରେ ତାଙ୍କ ଏକାଉଣ୍ଟରୁ  ୨ଲକ୍ଷ ୯୨ ହଜାର ଟଙ୍କା ଗାଏବ ହୋଇଯାଇଥିଲା । ସେ ସଙ୍ଗେ ସଙ୍ଗେ ଉକ୍ତ ନମ୍ବରକୁ କଲ କରିôଥଲେ ମଧ୍ୟ ନମ୍ବରଟି ଲାଗି ନ ଥିଲା । ଫଳରେ ସେ ଠକେଇର ଶିକାର ହୋଇଥିବା ଜାଣିବାକୁ ପାଇଥିଲେ । ଏନେଇ ସେ ବ୍ୟଙ୍କ ସହ ଯୋଗଯୋଗ କରିଥିଲେ ମଧ୍ୟ କିଛି ଲାଭ ମିଳି ନ ଥିଲା । ଶେଷରେ ରାମଚନ୍ଦ୍ର ସାଇବର ସେଲରେ ଅଭିଯୋଗ କରିଥିଲେ ।