19-Apr-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ସହର ମଧ୍ୟରେ ଆଜି ପ୍ରାତଃ ସକାଳ ସମୟରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଦୁଇ ଦିନର ସଟ ଡାଉନ ଫଳରେ ଜୀବନ ଜୀବିକା ପାଇଁ ସହର ର ଡେଲିମାର୍କେଟ ପରିସରରେ ପନିପରିବା ବିକ୍ରି କରିଥାନ୍ତି ଉଠା ଦୋକାନୀ । ଯାହା ଆଜି ଏହାକୁ ନେଇ ଏକ ଅଭାବନୀୟ କାଣ୍ଡ ଘଟିଛି ଓ ଚର୍ଚ୍ଚା ସହର ମଧ୍ୟରେ ଜୋର ଧରିଛି। ତେବେ ସୂଚନା ଅନୁସାରେ ସହରରେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ଡେଲିମାର୍କେଟ ରାସ୍ତା କଡ଼ରେ ବସୁଥିବା ଉଠା ପନି ପରବା ଦୋକାନୀଙ୍କୁ ସେଠାରୁ ଉଠିଯିବାକୁ ନେଇ ଟଣାଓଟରା ଫଳରେ ଘଟଣାଟି ଭୟାବହ ରୂପ ନେଇଥିଲା। ଯେଉଁଥିରେ ପୌରପାଳିକାର ଦବଙ୍ଗଗିରି ରୂପ ଲୋକଲୋଚନକୁ ଆସିଥିବା ପ୍ରତକ୍ଷ ଦର୍ଶୀ ସୂଚିତ କରିଛନ୍ତି। ସମ୍ପୂର୍ଣ ଘଟଣା ଟି ଥିଲା ଏପରି ବଲାଙ୍ଗୀର ପୌରପାଳିକାର କିଛି କର୍ମଚାରୀ ଆଜି ଡେଲିମାର୍କେଟ ଠୁଁ ବିକ୍ରମ ଛକ ପ୍ରଯନ୍ତ ରାସ୍ତା ଦୁଇ କଡ଼ରେ ଥିବା ଦୋକାନୀଙ୍କୁ ଅନ୍ୟ ଜାଗାକୁ ସ୍ଥାନାନ୍ତରିତ କରିବା ପାଇଁ କହୁଥିବାବେଳେ ସାଙ୍ଗରେ ଥିବା ପୌରପାଳିକାର ଅନ୍ୟକିଛି ୫, ୬ଜଣ ପୌରପାଳିକାର କର୍ମଚାରୀ ବିକ୍ରମ ଛକ ଠାରେ ଜଣେ ଉଠା ବ୍ୟବସାୟୀ ଙ୍କ ପୁଅ ଙ୍କୁ ମାଡ଼ ମାରିବା ସହ ଗୁରୁତର ଆହତ କରିଥିଲେ।ଫଳରେ ଘଟଣା ସ୍ଥଳରେ ଦୋକାନୀ ଙ୍କ ପୁଅ ଅଚେତ ହୋଇ ପଡିବାରୁ ତାକୁ ବଲାଙ୍ଗୀର ଭୀମଭୋଇ ମେଡିକାଲ କଲେଜ ରେ ଚିକିଷା ପାଇଁ ଭର୍ତ୍ତି କରାଯାଇଛି। ଏହି ଘଟଣା ପରେ ଅନ୍ୟପଟେ ସହରର ସମସ୍ତ ପନିପରିବା ବ୍ୟବସାୟିକ ଉଠାଦୋକାନୀ ଟାଉନ ଥାନା ଘେରାଉ କରି ମାମଲା ରୁଜୁ କରିଛନ୍ତି।ଓ ଦାଦାଗିରି ସାଜି ମାଡ଼ ମାରିଥିବା ପୌରପାଳିକାର ଦବଙ୍ଗଗିରି କର୍ମଚାରୀ ଙ୍କୁ ଗିରଫ କରି ଦୃଢ଼ କାର୍ଯ୍ୟାନୁଷ୍ଠାନ ନିଆଯିବା ପାଇଁ ଦାବି ରଖିଛନ୍ତି।ସେପଟେ ମାଡ଼ ଖାଇ ବେହୋସ ହୋଇଥିବା ବ୍ୟକ୍ତି ବଲାଙ୍ଗୀର ଜିଲ୍ଲା ଚନ୍ଦନ ଭାଟି ଗ୍ରାମର ରାଜେଶ ମେହେର।ଅନ୍ୟପଟେ ସ୍ଥାନୀୟ ବିଧାୟକ ଶ୍ରୀ ନରସିଂହ ମିଶ୍ର ମଧ୍ୟ ଘଟଣାର ସମୀକ୍ଷା କରି ଦୋଷୀ ପ୍ରତି ଦୃଢ଼ କାର୍ଯ୍ୟନୁଷ୍ଠାନ ନେବାକୁ ଟାଉନପୋଲିସଙ୍କୁ ନିବେଦନ କରିଛନ୍ତି।