13-Apr-2021

ବରଗଡ଼,(ମୁକୁନ୍ଦ ଦାସ): ନିଶାମଣୀ ହାଇସ୍କୁଲଠାରେ ମୋ ସ୍କୁଲ ଅଭିଯାନ ପରିପେକ୍ଷୀରେ ଏକ ସଭା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ସ୍କୁଲର କୃତୀ ଛାତ୍ରଛାତ୍ରୀମାନଙ୍କୁ ପୁରସ୍କାର ବଣ୍ଟନ କରାଯାଇଥିଲା । ପ୍ରଧାନ ଶିକ୍ଷୟତ୍ରୀ ଦିବ୍ୟକାନ୍ତି ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମକୁ ଶିକ୍ଷୟତ୍ରୀ ରୋଜାଲିନ ମିଶ୍ର ପରିଚାଳନା କରିଥିଲେ । କାର୍ଯ୍ୟକ୍ରମରେ ସ୍କୁଲର ପୁରାତନ ଛାତ୍ର ତଥା ଆନ୍ତର୍ଜାତିକ ମାନ୍ୟତାପ୍ରାପ୍ତ ପ୍ରଶିକ୍ଷକ ଜୟପ୍ରକାଶ ଶତପଥୀ, ଅବସରପ୍ରାପ୍ତ ବିଜ୍ଞାନ ଶିକ୍ଷୟତ୍ରୀ ତେରେସକୋଭା ଦାଶ, ସ୍କୁଲର ଚେୟାରମେନ ସୁଜାତା ବାଗ, ମନୋହର ସାହୁ, ସନ୍ତୋଷୀ ଅଗ୍ରୱାଲ ଛାତ୍ରଛାତ୍ରୀମାନଙ୍କୁ ପୁରସ୍କୃତ କରିଥିଲେ । ସ୍କୁଲର ଦଶମ ଶ୍ରେଣୀର ତପସ୍ୱିନୀ ରଥ, ମୀନତି କୁମ୍ଭାର, ମୋହିତ ନାଗ, ବିଶ୍ୱାମିତ୍ର ମେହେର ଓ ଅଭିଷେକ ଛତ୍‌ତରଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଶିକ୍ଷୟତ୍ରୀ ସଙ୍ଗୀତା ପାଢ଼ୀ, ପ୍ରଶାନ୍ତି ପଣ୍ଡା, ମମତା ପଣ୍ଡା, ସୁନିତି ବାଗ, ମନିଷା ସାହୁ ଓ ନିରୁପମା ରାୟ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଭବିଷ୍ୟତରେ ମଧ୍ୟ ଏହି ସ୍କୁଲର ପୁରାତନ ଛାତ୍ରଛାତ୍ରୀମାନଙ୍କୁ ନେଇ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଶ୍ରୀ ଶତପଥୀ ଘୋଷଣା କରିଥିଲେ । ଶେଷରେ ରୋଜାଲିନ ମିଶ୍ର ଧନ୍ୟବାଦ ଅର୍ପଣ କରିଥିଲେ ।