06-Apr-2021

ନୂଆଦିଲ୍ଲୀ(ପ୍ରେରଣା ଖବର ବ୍ୟୁରୋ): ଆସାମ ପରେ ପଶ୍ଚିମବଙ୍ଗରେ ନେତାଙ୍କ ଘରୁ ଜବତ ହେଲା ଇଲେକ୍ଟୋ୍ରନିକ ଭୋଟିଂ ମେସିନ (ଇଭିଏମ୍) । ଜବତ ହୋଇଥିବା ଇଭିଏମ୍କୁ ନିର୍ବାଚନ ଅଧିକାରୀ ସୋମବାର ରାତିରେ ସମ୍ପର୍କୀୟଙ୍କ ଘରକୁ ନେଇକି ଯାଇଥିଲେ । ସେଠାରେ ରାତିରେ ଶୋଇ ପଡ଼ିଥିବା କହିଛନ୍ତି ନିଲମ୍ବିତ ନିର୍ବାଚନ ଅଧିକାରୀ । ତାଙ୍କୁ ନିର୍ବାଚନ ଆୟୋଗ (ଇସି) ପକ୍ଷରୁ ସସ୍ପେଣ୍ଡ କରାଯାଇଛି । ଜବତ ହୋଇଥିôବା ଇଭିଏମ୍ ଓ ଭିଭିପିଟି ମତଦାନରେ ବ୍ୟବହୃତ ହେବ ନାହିଁ । ଏ ନେଇ ଇସି ପକ୍ଷରୁ ମଙ୍ଗଳବାର ସକାଳେ ଘୋଷଣା କରିଛି ।

ହାୱରା ସେକ୍ଟର ୧୭ର ଡେପୁଟି ଅଫିସର ତପନ ସରକାର ଏକ ରିଜର୍ଭ ଇଭିଏମ୍କୁ ନେଇ ରାଜନୈତୀକ ସମ୍ପର୍କୀୟଙ୍କ ଘରକୁ ଯାଇଥିଲେ । ଏଥି ଲାଗି ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ । ଏ ଘଟଣାରେ ପୋଲିସ ମଧ୍ୟ ତଦନ୍ତ କରିବ ବୋଲି ଅଧିକାରୀ ସୂଚନା ଦେଇଛନ୍ତି ।

ଜେନେରାଲ ଓବଜରଭର ନୀରଜ ପୱନ ଇଭିଏମ୍ର ସମସ୍ତ ସିଲ ଚେକ୍ କରିଥିଲେ । ଏହାପରେ ଅବଜରଭରଙ୍କ ହେଫାଜତରେ ଭିନ୍ନ ରୁମ୍ରେ ରଖାଯାଇଥିଲା ଇଭିଏମ୍କୁ । କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର ଏ ଘଟଣାର ପୂର୍ଣ୍ଣ ତଦନ୍ତ ଦାବି କରିଛନ୍ତି । ଏହା ସବୁଠୁ ଗୁରୁତ୍ୱପୂର୍ଣ୍ଣ । କାରଣ ଆଜି ହିଁ ମତଦାନ । ଘଟଣାଟି ଯେଉଁଭଳି ଦେଖାଯାଉଛି, ତାଠାରୁ ଖୁବ୍ ଅଧିକ ହୋଇପାରେ । କିଛି ଦିନ ତଳେ ଆସାମରେ ଭାଜପା ନେତାଙ୍କ ପତ୍ନୀଙ୍କ ଗାଡିÿରୁ ଜବତ ହୋଇଥିଲା ଇଭିଏମ୍ । ଆଜି ପଶ୍ଚିମ ବଙ୍ଗରେ ତୃତୀୟ ପର୍ଯ୍ୟାୟ ମତଦାନ । ଏହି ପର୍ଯ୍ୟାୟରେ ୩୧ଟି ଆସନରେ ମତଦାନ କରାଯିବ ।