02-Apr-2021

ବସନ୍ତ

                      ଗଣେଶ ବାରିକ୍ 

ବସନ୍ତ ଆସିଛି ବୋଲି
କିଛି ସୂଚନା ନାହିଁ ମୋ'ପାଖେ
ଏ କ'ଣ ବସନ୍ତ କି ?
ଦେଖୁନ ହୁତହୁତ୍ ନିଆଁରେ 
ଜଲୁଛି ଗାଁ ଠୁ ସହର...
     
ବସନ୍ତ କଣ ଏଥର ଛୁ' ମାରିଲଣି
ଅମାନିଆ ହୁର୍ ହୁରିଆ ପବନ ବି
ଏବେ ଦାଉଦାଉ ହେଇ ନିଆଁର ଝୁଲା ସାଜୁଛି 
କୃଷ୍ଣ ଚୂଡା ବି ବେରଙ୍ଗ ହେଇ ଯାଇଛି /

ବଂଶୀର ସ୍ବର ଡାକବାଜି ଯନ୍ତ୍ରର କର୍କଶ ନାଦ
ପରିଚୟ ହୀନ କବିର ଅସହାୟ କବିତାରୁ
ଝରୁଛି କେଇ ବୁନ୍ଦା ଲୁହ
କୋଇଲିର ପଞ୍ଚମ ତାନ କାନକୁ ବେସୁରା
ଚାଷୀର ମୁଣ୍ଡ ଉପରେ ପଇଁଚାଲିଶ ଡିଗ୍ରୀର ଧୂ ଧୂ ଖରା  ।

ବସନ୍ତ ତମେ ସତରେ ବଦଲିଗଲ 
ନା' ସମୟ ବଦଲି ଯାଉଛି
ଦେଖୁନ ଶୀତ ଯାଇନି 
ଆଉ ଗ୍ରୀଷ୍ମର ରାଜୁତି  ।

ହେ ବସନ୍ତ 
ତମେ ଏମତି ଆସି ଏତେ ଶ୍ରୀଘ୍ର ଫେରି ଯାଆନି
ସନ୍ଦେହୀ ପ୍ରିୟାର କିଛି ସନ୍ଦେସ ଆସିନି
ବୋଧେ ସେ ବି ଆଉ ଆସୁନି

ବସନ୍ତ,
ତମେ ଏମିତି ଛୁ'ମାରନା...ମତେ ମାରିଦେଇ !

ଦର୍ଶନଶାସ୍ତ୍ର ବିଭାଗ
ମାର୍ଫତ୍-ଫ୍ରାନସିସ୍ ବାରଲା 
ରାଜେନ୍ଦ୍ର ବିଶ୍ବ ବିଦ୍ଯାଳୟ ବଲାଙ୍ଗୀର-୨