02-Apr-2021

ନୟାଗଡ଼ (ପ୍ରଦୀପ କୁମାର ପଣ୍ଡା): ନୟାଗଡ଼ ଜିଲ୍ଲା ଖଣ୍ତପଡା ବ୍ଲକ ଅଧିନ କୁମ୍ଭାରପଡା ଗ୍ରାମର ୩ ଟି ଅଙ୍ଗନବାଡି କେନ୍ଦ୍ର ମଧ୍ୟରୁ ୨ଟି ଅଙ୍ଗନବାଡି କେନ୍ଦ୍ର ଅଧିକାଂଶ ସମୟ ବନ୍ଦ ରହୁଥିବାରୁ ସ୍ଥାନୀୟ ଜନସାଧାରଣଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି।ଏପରିକି କାର୍ଯ୍ୟ ଦିବସରେ ମଧ୍ୟ ବିଭିନ୍ନ ପ୍ରକାର ଆଳ ଦେଖାଇ ସଂପୃକ୍ତ ଅଙ୍ଗନବାଡି କେନ୍ଦ୍ରର କର୍ମୀମାନେ ଅଙ୍ଗନବାଡି କେନ୍ଦ୍ରକୁ ବନ୍ଦ ରଖୁଥିବା ଅଭିଯୋଗ ହେଉଛି।କୁମ୍ଭାରପଡା ଗ୍ରାମରେ ଥିବା ଅଙ୍ଗନବାଡି କେନ୍ଦ୍ର ନଂ ୧ ଓ ୨ ପ୍ରାୟତଃ କାର୍ଯ୍ୟ ଦିବସରେ ବନ୍ଦ ରହୁଥିବା ରୁ କୋମଳମତି ପିଲାମାନଙ୍କର ପାଠ ପଢା ବ୍ୟାହତ ହେଉଛି। ଫଳରେ ଅଭିଭାବକ ମହଲରେ ଅସନ୍ତୋଷ ପ୍ରକାଶ ପାଇଛି।ନିକଟରେ ଥିବା ୩ ନଂ କେନ୍ଦ୍ର ଟିରେ ପାଠ ପଢାପଢି ଠିକ ଭାବେ ଚାଲି ଥିବା ବେଳେ କେନ୍ଦ୍ର  ନଂ ୧ ଓ ୨ ରେ ବ୍ୟତିକ୍ରମ ପରିଲକ୍ଷିତ ହେଉଛି। ସ୍ଥାନୀୟ ବାସିନ୍ଦା ଏ ସମ୍ପର୍କରେ ଉଚ୍ଚ କର୍ତ୍ତୃପକ୍ଷଙ୍କୁ ଅବଗତ କରିଥି: କରିଥିଲେ ମଧ୍ୟ କୌଣସି ସୁଫଳ ମିଳିନଥିବା ଅଭିଯୋଗ ହେଉଛି।ଖଣ୍ଡପଡା ବ୍ଲକ ଶିଶୁ ବିକାଶ ପ୍ରକଳ୍ପ ଅଧିକାରୀ ଓ ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ କୁମ୍ଭାରପଡା ଗ୍ରାମବାସୀ ଦାବି କରିଛନ୍ତି।

:ପ୍ରକାଶଥାଉକି ଏପ୍ରିଲ ୨ତାରିଖ କାର୍ଯ୍ୟ ଦିବସ ଥିଲେ ମଧ୍ୟ ଅଙ୍ଗନବାଡି କେନ୍ଦ୍ର ୨ଟି ବନ୍ଦଥିବାରୁ ପିଲାମାନେ ସେଠାକୁ ଯାଇ ଫେରିଥିବା ଜଣାପଡିଛି।