01-Apr-2021

ଟିଟିଲାଗଡ଼ (ପ୍ରେରଣା ଖବର):ତତଲାଗଡ଼ ଭାବେ ପରିଚିତ ଟିଟିଲାଗଡ ରେ ପ୍ରଶାସନିକ ଦକ୍ଷତା ସହ ଖାମଖିଆଲ ମନୋଭାବ ଯୋଗୁଁ କେବଳ ଗ୍ରୀଷ୍ମ ଋତୁରେ ନୁହେଁ ସଦାସର୍ବଦା ପାନୀୟଜଳ ସମସ୍ୟା ଲାଗିରହିଛି । ଅପର ପକ୍ଷେ ବିଗତ ଦିନରେ ତାପମାତ୍ରା ୫୦ଡିଗ୍ରୀ ରେକର୍ଡ କରାଯାଇଥିବା ବେଳେ ଦେଶ,ବିଦେଶ ରେ ଚହଳ ସୃଷ୍ଟି କରିବା ସହ ଟ୍ରେନ ରେ ପାନୀୟଜଳ ଯୋଗାଇ ଦେବା ପରିସ୍ଥିତି ସୃଷ୍ଟି ହୋଇଥିଲା ।

ପୂର୍ବତନ ନଗରପାଳ ତଥା ବରିଷ୍ଠ ନେତା ଶୁଭ୍ରାଂଶୁ ଦାସ ଙ୍କ ନେତୃତ୍ୱରେ ଏହି ପାନୀୟଜଳ ଯୋଗାଣ ଓ ଟିଟିଲାଗଡ କୁ ଜିଲ୍ଲା ମାନ୍ୟତା ଦାବୀ ନେଇ ବିରାଟ ଗଣ ଆନ୍ଦୋଳନ ହୋଇ ତେଲ ନଦୀରୁ ପାଇପ ଯୋଗେ ଜଳ ଯୋଗାଣ ବ୍ୟବସ୍ଥା କରାଯାଇ ଥିଲା । ପରିତାପ ର ବିଷୟ ଉକ୍ତ ଜଳ ଯୋଗାଣ ପାଇଁ ଆବଶ୍ୟକୀୟ ପ୍ରକଳ୍ପ ପ୍ଲାନିଂ ଅନୁଯାୟୀ ଏହି ଯୋଗାଣ ବ୍ୟବସ୍ଥା କରାଯାଇ ନ ଥିବାରୁ ଜଳଯୋଗାଣ ସଠିକ ଭାବେ ସମ୍ପାଦନ ହୋଇ ପାରୁନାହିଁ । ଯଦ୍ୱାରା ଓଭର ହେଡ ପାଣି ତୁ

ଟାଙ୍କି ନିର୍ମାଣ ଓ ପାଇପ ଲାଇନ ଜରୀଆରେ ଜଳ ଯୋଗାଣ ନିୟମିତ ଭାବେ ହୋଇପାରୁ ନାହଁ । ସାତ, ଆଠ ଦିନରେ ଥରେ ୧୫ ଟି ୱାର୍ଡ କୁ ଜଳ ଯୋଗାଣ ଯୋଗୁଁ ଦୁର୍ଦ୍ଦସା ର ଶିକାର ଲୋକେ ହେଉଥିବା ସାର ହୋଇଛି । ଏ ନେଇ ଉପଯୁକ୍ତ ଯୋଜନା ଅନୁଯାୟୀ ଏହି ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କଲେ ଏ ସମସ୍ୟା ସମାଧାନ ହୋଇପାରିଵ । ଏବେ ଏହି ସମସ୍ୟା ଆରମ୍ଭ ରୁ ବୃଦ୍ଧି ପାଇବା ସହ ଜନ ଅସନ୍ତୋଷ ବୃଦ୍ଧି ପାଉଛି । ଜନ ଅସନ୍ତୋଷ ନେଇ ପୋଲିସ ସହାୟତା ରେ ବିଭାଗୀୟ ଅଧିକାରୀ ବେଆଇନ ଜଳ ଯୋଗାଣ ତନଖି କରି ମିଥ୍ୟା ବାହା ବାଃ ନେବା ସାର ହେଉଛି । ଏହି ଉପଖଣ୍ଡ ରେ ସମସ୍ତ ସାଧାରଣ ଜଳଯୋଗାଣ ବ୍ୟବସ୍ଥା ଥିବା ବେଳେ ପରିତ୍ୟକ୍ତ ହୋଇ ପଡିଥିବା ସହ ବିଭିନ୍ନ ସ୍ଥାନରେ  ଏହି ଋତୁରେ ପାନୀୟଜଳ ଯୋଗାଣ ବା ଜଳଛତ୍ର ବ୍ୟବସ୍ଥା କରାଯାଇନାହିଁ । ସୂଚନା ଯୋଗ୍ୟ ଯେ ବର୍ତ୍ତମାନ ସୁଦ୍ଧା ସରକାରୀ ଭାବେ କେବଳ ଟିଟିଲାଗଡ ରେ ଛଅ ଜଣ ଅଂଶୁଘାତ ରେ ଆକ୍ରାନ୍ତ ହୋଇଛନ୍ତି । ଗୁରୁବାର ଏହି ଟିଟିଲାଗଡ ର ତାପମାତ୍ରା ୪୩ ଡିଗ୍ରୀ ଥିବା ସରକାରୀ ଭାବେ କୁହାଯାଉଥିବା ବେଳେ, ବେସରକାରୀ ଭାବେ ୪୪ଡିଗ୍ରୀ ଜଣାଯାଇଛି । ଏହି ଦୀର୍ଘ ଦିନ ର ସମସ୍ୟା ସହ ଏହି ଟିଟିଲାଗଡ କୁ ଜିଲ୍ଲା ମାନ୍ୟତା ପ୍ରଦାନ ନେଇ ସାଧାରଣ ରେ ଅପେକ୍ଷା ରହିଥିବା ବେଳେ ବିଗତ ନିର୍ବାଚନ ସମୟରେ ଦୀର୍ଘଦିନ ଧରି ଅନଶନ ରେ ଥିବା ଆନ୍ଦୋଳନ କାରୀ ଙ୍କୁ ଭୁବନେଶ୍ୱର ଏକ ବସ ରେ ଯିବାକୁ କହି ନିର୍ବାଚନ ପରେ ଦାବି ପୂରଣ ପ୍ରତିଶ୍ରୁତି ଦେଇ ଆନ୍ଦୋଳନ ପ୍ରତ୍ୟାହୃତ କରାଯାଇଥିଲା । ସାଧାରଣ ଲୋକ ଙ୍କ ମଧ୍ୟରେ ଏ ସବୁ ସମସ୍ୟାର ସମାଧାନ ଦିଗରେ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ନେବାକୁ ବିଭିନ୍ନ ମହଲରେ ଦୃଢ଼ ଦାବି ହେଉଛି ।