26-Mar-2021

ଝାରସୁଗୁଡା(ପ୍ରେରଣା ଖବର) : ଘରୋଇ କଳି ପାଇଁ ନେଲେ ଚରମ ନିଷ୍ପତ୍ତି । ହାରିଲେ ଜୀବନ ।  ଘରୋଇ କଳିକୁ ନେଇ ଜଣେ ବ୍ୟକ୍ତି ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ଝାରସୁଗୁଡା ଜିଲ୍ଲା ବ୍ରଜରାଜନଗର ମହାବୀର ନଗରରେ ଏହି ଘଟଣା ଆଲୋଡନ ସୃଷ୍ଟି କରିଛି ।

ସୂଚନାନୁସାରେ, ଶୁକ୍ରବାର ମହାବୀର ନଗର ରାସ୍ତା କଡରେ ଥିବା ଏକ ଗଛରେ ଶିବ ପ୍ରସାଦଙ୍କ ମୃତଦେହ ଝୁଲୁଥିବା ଦେଖିବାକୁ ମିଳିଥିଲା । ଏହାପରେ ବ୍ରଜରାଜନଗର ପୋଲିସକୁ ସ୍ଥାନୀୟ ଲୋକେ ଖବର ଦେଇଥିଲେ ।।ପ୍ରାଥମିକ ତଦନ୍ତ ଅନୁସାରେ ମୃତ ଶିବ ପ୍ରସାଦ ନିଜ ପରିବାର ସହ ଗୁରୁବାର ରାତିରେ କୌଣସି କାରଣରୁ ବଚସା କରିଥିଲେ ।

କିନ୍ତୁ ମୃତକଙ୍କ ପାଦ ମାଟିତଳେ ଲାଗିଥିବାରୁ ଏହାକୁ ଆତ୍ମହତ୍ୟା ବୋଲି ସ୍ଥାନୀୟ ଲୋକେ  ଗ୍ରହଣ କରି ପାରୁ ନାହାନ୍ତି । ପୋଷ୍ଟମଟର୍ମ ରିପୋର୍ଟ ପରେ ହିଁ ଏହା ହତ୍ୟା ନା ଆତ୍ମହତ୍ୟା ତାହା ସ୍ପଷ୍ଟ ହେବା ନେଇ ପୋଲିସ ଅଧିକାରୀ କହିଛନ୍ତି ।