26-Mar-2021

ଟିଟିଲାଗଡ଼ (ପ୍ରେରଣା ଖବର): ବଲାଙ୍ଗୀର ଜିଲ୍ଲା ଅନ୍ତର୍ଗତ ଝରିଆଲ ଗ୍ରାମର କାମଦେବ ମାଝୀ,(ଛଦ୍ମନାମ) ନାମକ ଜଣେ ୩୫ ବର୍ଷୀୟ ବିବାହିତ ଯୁବକଙ୍କ ଏଆରଟି ଔଷଧ ଅଭାବରୁ ଏଡସ୍ ରୋଗରେ ଶୋଚନୀୟ ମୃତ୍ୟୁ ଘଟିଛି । ସୂଚନା ଅନୁଯାୟୀ ଗତ ୨୦୧୯  ମସିହାରେ ସେ ସିନ୍ଧେକେଲା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ସ୍ଥିତ   ଆଇ. ସି. ଟି. ସି  କେନ୍ଦ୍ର ରେ ନିଜର ଏଚଆଇଭି/ଏଡସ୍ ପରୀକ୍ଷଣ କରିଥିଲେ । ଏପରି କି ମୃତ ଶ୍ରୀ ମାଝୀ ଓ ତାଙ୍କ ଗର୍ଭବତୀ ସ୍ତ୍ରୀ କୁ ମଧ୍ୟ ପରୀକ୍ଷା କରାଯାଇଥିଲା ଓ ଉଭୟ ଏଡସ୍ ଭୂତାଣୁ ରେ ସଂକ୍ରମିତ ରହିଥିବା ଜଣାଯାଇଥିଲା । ଏ ନେଇ ଏଆରଟି ଔଷଧ ଖାଇବା ପାଇଁ ସେମାନଙ୍କୁ କେହି କିଛି ସହଯୋଗ କରି ନ ଥିବା ଓ ଟିଆଇ ପ୍ରକଳ୍ପର କର୍ମକର୍ତ୍ତାଙ୍କୁ ଗତ ଦୁଇ ମାସ ତଳେ ଟିଟିଲାଗଡ ସବ୍ ଡିଭିଜନ କାର୍ଯ୍ୟାଳୟକୁ ଆସି ସୁଦ୍ଧା କିଛି ସହାୟତା ଯୋଗାଇ ଦିଆଯିବା ବଦଳରେ ହଇରାଣ କରାଯାଇଥିଲା ବୋଲି ଅଭିଯୋଗ କରିଛନ୍ତି ।  ସେହିପରି ଆଶା ଉକ୍ତ ଦିତୀୟ ସନ୍ତାନ ପ୍ରସବ ବେଳେ ଏଚ, ଆଇ, ବି/ଏଡ୍ସ ସଂକ୍ରମିତ କି ନାହିଁ ତାହା ମଧ୍ୟ ପରୀକ୍ଷା ନ କରି ସନ୍ତାନ ଜନ୍ମ ପ୍ରସବ କରାଯାଇଥିବା ଜଣାପଡିଛି । ଉକ୍ତ ସମୟରେ ସେ ଗର୍ଭବତୀ ଥିବା ସତ୍ୱେ ତାଙ୍କର ପୁତ୍ର ସନ୍ତାନ ଜନ୍ମ ଗ୍ରହଣ କରି ଥିଲା । ମୃତ ଗତ ୨୦୨୦ ମସିହା ମାର୍ଚ୍ଚ ମାସରେ ସେ ଆଉ ଏକ କନ୍ୟା ସନ୍ତାନ ଜନ୍ମ କରିଥିବା ବେଳେ ଉକ୍ତ ସନ୍ତାନ ର ପରୀକ୍ଷା କରାଯାଇ ନାହିଁ । ଏଡ୍ସ ରେ ଆକ୍ରାନ୍ତ ହୋଇ ସେ ବିଶାଖାପାଟଣା ତଥା ଆୟୁର୍ବେଦ ଔଷଧ ବ୍ୟବହାର କରୁଥିବା ବେଳେ ଏ ଆର ଟି ଔଷଧ ବ୍ୟବହାର ସେ କିମ୍ବା ତାଙ୍କ ସ୍ତ୍ରୀ ଓ ସନ୍ତାନ ବର୍ତ୍ତମାନ ସୁଦ୍ଧା କରୁନାହାନ୍ତି  ସିନ୍ଧେକେଲା,ଖୋଲାନ,ପରାସରା,ମୁରିବାହାଲ, ମାଲେସିରା ତଥା ଟିଟିଲାଗଡ଼ ସହରାଞ୍ଚଳରେ ଅନେକ ସଂଖ୍ୟାରେ ଏଡସ୍ ଆକ୍ରାନ୍ତ ଚିହ୍ନଟ ହୋଇ ଥିବା ସତ୍ତ୍ୱେ  ଏଆରଟି ଔଷଧ ଜିଲ୍ଲା ସରକାରୀ ଟି. ଆଇ ପ୍ରକଳ୍ପ ଜରୀଆରେ ପ୍ରଦାନ କରା ନ ଯିବା ଯୋଗୁଁ ଏପରି ଆକ୍ରାନ୍ତଙ୍କ ମୃତ୍ୟୁ କ୍ରମାଗତ ଭାବେ ଘଟି ଚାଲିଛି । ସେହିପରି ଟିଟିଲାଗଡ ରେଳଜଙ୍କସନ ଭାରତର ପ୍ରମୁଖ ରେଳ ଜଙ୍କସନ ହୋଇଥିବା ଯୋଗୁଁ ଏହି ଭୁତାଣୁ ସଂକ୍ରମଣ ରେ ରେଡ଼ ଯୋନ ପାଲଟିଥିଲା । ଅନେକ ସଂଖ୍ୟାରେ ଏଚ ଆଇ ଭି ଆକ୍ରାନ୍ତ ପ୍ରସୂତି ସମୟରେ ଦିତୀୟ ସନ୍ତାନ ଜନ୍ମ ପୂର୍ବରୁ ଆକ୍ରାନ୍ତ ଅଛନ୍ତି କି ନାହିଁ ପରୀକ୍ଷା ଫଳ ନ ଦେଖି ପ୍ରସବ କରାଯାଉଛି । ଯାହାକି ବିପଦସଂକୁଳ ଅଟେ ,ସେହିପରି ଏହି ଉପଖଣ୍ଡ ମୁଖ୍ୟ ଚିକିତ୍ସାଳୟ ହୋଇ ଥିବା ସତ୍ତ୍ୱେ ଏଠି ଏଚ ଆଇ ଭି/ ଏଡ୍ସ ପରୀକ୍ଷଣ ପାଈଁ ଥିବା ଆଇ ସି ଟି ସି କେନ୍ଦ୍ର ବନ୍ଦ ରହିଥିବା ଯୋଗୁଁ ସାଧାରଣ ପରୀକ୍ଷାରୁ ବଞ୍ଚିତ ହୋଇ ରହୁଛନ୍ତି ।

ତୁରନ୍ତ ଏହି କେନ୍ଦ୍ର ଖୋଲିବା ନେଇ ତଥା ଏ ଆର ଟି ଔଷଧରୁ ବଞ୍ଚିତ ଆକ୍ରାନ୍ତଙ୍କୁ କିପରି ଔଷଧ ଯୋଗାଇଦିଆଯିବ ସେ ବ୍ୟବସ୍ଥା କରିବା ନିମନ୍ତେ ବିଭାଗୀୟ ମୁଖ୍ୟ ଶାସନ ସଚିବ ଦୃଷ୍ଟି ଦେବାକୁ ଦାବି ହେଉଛି ।