18-Mar-2021

ବରଗଡ଼(ମୁକୁନ୍ଦ ଦାସ): ମର୍ମନ୍ତୁଦ ସଡ଼କ ଦୁର୍ଘଟଣା । ଜଳଖିଆ ଆଣିବାକୁ ଯାଇଥିବା ବେଳେ ଧକ୍କା ଦେଲା ବାଇକ୍‌ । ଏହି ଦୁର୍ଘଟଣାରେ ଚାଲିଗଲା ଜଣଙ୍କ ଜୀବନ । ମୃତକ ଝାରବନ୍ଧ ନିବାସୀ ସୁବୋଧ ସାହୁ । ଘଟଣାସ୍ଥଳରେ ପୋଲିସର ଛାନ୍‌ଭିନ୍‌ ଜାରି ।

ଖବର ଅନୁଯାୟୀ, ବରଗଡ଼ ଜିଲ୍ଲା ବିଜେପୁର ଥାନା ବିଜେପୁର କଲେଜ ରୋଡ଼ରେ ଦୁର୍ଘଟଣା ଘଟିଛି । ବିଜେପୁରରେ ପିଡବ୍ୟୁଡି  ରାସ୍ତା କାମ ଚାଲିଥିବା ବେଳେ  ସୁବୋଧ ଜଳଖିଆ ଆଣିବାକୁ ଯାଇଥିଲେ । ଠିକ୍‌ ଏହି ସମୟରେ ଦୁଇଟି ବାଇକ ମୁହାଁମୁହିଁ ଧକ୍କା ହୋଇଥିଲା । ଯାହାଫଳରେ ସୁବୋଧଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି ।

ସେହିପରି ଦୁର୍ଘଟଣାରେ ଆଉ ଜଣେ ଯୁବକ ଆହତ ହୋଇଛନ୍ତି । ଆହତ ଯୁବକ ବରଗଡ଼ ବରମଚାରି ନିବାସୀ ହେମନ୍ତ ସିଂହ ବୋଲି ଜଣାପଡିଛି । ହେମନ୍ତଙ୍କୁ ଗୁରୁତର ଅବସ୍ଥାରେ ପ୍ରଥମେ ବିଜେପୁର ଓ ପରେ ବରଗଡ଼ ଡାକ୍ତରଖାନକୁ ସ୍ଥାନାନ୍ତରିତ କରାଯାଇଛି । ଘଟଣାସ୍ଥଳରେ ବିଜେପୁର ପୋଲିସ ପହଞ୍ଚି ଛାନ୍‌ଭିନ୍‌ ଆରମ୍ଭ କରିଛି ।