18-Mar-2021

କଣ୍ଟାବାଞ୍ଜି (ପ୍ରେରଣା ଖବର) :ପାଠ ପଢିବି କିନ୍ତୁ ଚାକିରି କରିବିନି । ପାଠ ପଢି ମୁଁ ବିଜନେସ ମ୍ୟାନ ହେବି । ସମସ୍ତଙ୍କ ଠାରୁ କିଛି ଭିନ୍ନ କରିବାର ଲକ୍ଷ୍ୟ ରଖି ପିଲାବେଳୁ ବ୍ୟବସାୟ ଭିତିକ ବହି ପଢିଆସୁଛନ୍ତି ସେ । କମ ବୟସରୁ ବ୍ୟବସାୟ ମନସ୍କ ହୋଇ ବିଭିନ୍ନ ଲେଖକଙ୍କ ବହି ପଢୁଥିବା ସୁଦିପ୍ତ ଯେ ଦିନେ ନିଜେ ଗୋଟେ ବହି ଲେଖିଦେବେ ତାହା ସେ କେବେ କଳ୍ପନା କରିନଥିଲା । ଆଉ ସେହି ବହି ପୁଣି ବ୍ରାଭୋ ଇଣ୍ଟର ନ୍ୟାସନାଲ ବୁକ ଅଫ ୱାଲ୍ଡ ରେକର୍ଡରେ ସ୍ଥାନ ପାଇବ, ସେ ବନିବେ ବିଶ୍ୱର ସର୍ବ କନିଷ୍ଠ ଲେଖକ ତାହା ସେ କେବେ ଭାବି ନଥିଲେ ।

ବଲାଙ୍ଗିର ଜିଲ୍ଲା କଣ୍ଟାବାଞ୍ଝି ଆଶ୍ରମପଡାରେ ରହୁଥିବା ଆଇନଜୀବୀ ଦାମୋଦର ସାହୁ ଏବଂ ପତ୍ନୀ ପ୍ରତିମା ସାହୁଙ୍କ ପୁଅ ସୁଦିପ୍ତ ମାତ୍ର ୧୮ ବର୍ଷ ବୟସରୁ ବିଶ୍ୱର ସର୍ବ କନିଷ୍ଠ ଲେଖକର ମାନ୍ୟତା ପାଇଛନ୍ତି । ଆଉ ତାଙ୍କ ବହି ଏବେ ଦୁନିଆ ପଢୁଛି । ବଲାଙ୍ଗୀର ପୁଅର ବିଜନେଓ ବହି ବିଶ୍ୱସ୍ତରର ମାନ୍ୟତା ପାଇବା ପରେ ତାଙ୍କ ପରିବାର ଲୋକେ ବେଶ ଖୁସି ଅଛନ୍ତି । ତେବେ ପ୍ଲସ ଟୁ ପଢିବା ବେଳେ ସୁଦିପ୍ତ ଇଂରାଜୀ ଭାଷାରେ ମାନୁଆଲ ଅଫ ଷ୍ଟାର୍ଟ ଅପ ବିଜନେଓ ନାମକ ଏକ ପୁସ୍ତକ ଲେଖିଥିଲେ ।ଯାହା ପରର୍ତ୍ତୀ ସମୟରେ ଦିଲ୍ଲୀର ଏକ ପ୍ରକାଶନୀ ଦ୍ୱାରା ପ୍ରକାଶିତ ହୋଇଥିଲା । ଆଉ ପରେ ବ୍ରାଭୋ ଇଣ୍ଟର ନ୍ୟାସନାଲ ବୁକ ଅଫ ୱାଲ୍ଡ ରେକର୍ଡରେ ସ୍ଥାନ ପାଇଛି ।