15-Mar-2021

ନୟାଗଡ଼ (ପ୍ରଦୀପ କୁମାର ପଣ୍ଡା) :ନୟାଗଡ଼ ଜିଲ୍ଲା ପଠାଣିସାମନ୍ତ ପ୍ରେକ୍ଷାଳୟ ରେ ଆୟୋଜିତ ଜିଲ୍ଲା ସ୍ତରୀୟ କୃଷି ମହୋତ୍ସବ ନୟାଗଡ଼ ଜିଲ୍ଲାପାଳ ପୋମା ଟୁଡୁ ଉଦଘାଟନ କରିଛନ୍ତି | ମହୋତ୍ସବ ର ଉଦଘାଟନୀ ଉତ୍ସବ ଜିଲ୍ଳାମୁଖ୍ୟ କୃଷି ଅଧିକାରୀ ବିଜୟ କୁମାର ପ୍ରଧାନ ଙ୍କ ସଭାପତିତ୍ୱ ରେ ଆୟୋଜିତ ହୋଇଥିବା ବେଳେ ଗ୍ରାମ୍ୟଉନ୍ନୟନ ବିଭାଗ ପ୍ରକଳ୍ପ ନିର୍ଦେଶକ ସୁବାଷ ଚନ୍ଦ୍ର ରାୟ ଏବଂ ମୃତ୍ତିକା ସଂରକ୍ଷଣ ବିଭାଗ ପ୍ରକଳ୍ପ ନିର୍ଦେଶକ ଚନ୍ଦନ କୁମାର ସାହୁ ସମ୍ମାନିତ ଅତିଥି ଭାବେ ମଞ୍ଚାସିନ ଥିଲେ | କୃଷି ର ବିଭିନ୍ନ ବିଭାଗ ତରଫରୁ ଦଶଗୋଟି ଷ୍ଟଲ ଖୋଲାଯାଇଛି | କୃଷି ର ଉନ୍ନତି ତଥା ଚାଷୀର ଉନ୍ନତି ପାଇଁ ବିଭିନ୍ନ ବୈଜ୍ଞାନିକ ଯନ୍ତ୍ରପାତିର ବ୍ୟବହାର  ତଥା ସମନ୍ବିତ ଚାଷ ଏବଂ କୃଷି ର ବିକାଶ ଏହି କାର୍ଯ୍ୟକ୍ରମ ର ମୂଳଲକ୍ଷ ବୋଲି ଜିଲ୍ଲାପାଳ ବ୍ୟକ୍ତବ୍ୟ ରଖିଥିଲେ | ରାଜ୍ୟ ସରକାର କୃଷି ଓଡିଶା କାର୍ଯ୍ୟକ୍ରମ ଭୁବନେଶ୍ୱର ଠାରେ ଆରମ୍ଭ କରିଥିବାବେଳେ ଏହି ମହୋତ୍ସବ ରେ ତାର ସିଧାପ୍ରସାରଣ ଦେଖିବାକୁ ମିଳିଥିଲା |