15-Mar-2021

ବଲାଙ୍ଗିର, - ଆଜି ସ୍ଥାନୀୟ ଗାନ୍ଧିଷ୍ଟାଡିୟମ ଠାରେ ଓସିଏ ଭିଜନ ୨୦୨୪ ଇନ୍‌ଟ୍ରାକ୍ଳବ କ୍ରିକେଟ ପ୍ରତିଯୋଗିତା ଉଦ୍‌ଘାଟିତ ହୋଇଯାଇଛି । ବଲାଙ୍ଗିର ଜିଲ୍ଲା କ୍ରିଡା ଅଧିକାରୀ ରାଜେନ୍ଦ୍ର ପ୍ରସାଦ ବଢ଼େଇ ମୁଖ୍ୟ ଅତିଥିଭାବେ ଯୋଗଦାନ କରି ପ୍ରତିଯୋଗିତାକୁ ବିଦ୍ଧି ବଦ୍ଧ ଭାବେ ଉଦ୍‌ଘାଟନ କରିଥିଲେ । ସେହିପରି ସମ୍ମାନିତ ଅତିଥିଭାବେ କ୍ରିଡାସଂସଦର ବରିଷ୍ଠ ସଦସ୍ୟ ସୁଧିର ଚନ୍ଦ୍ର ପଣ୍ଡା, ପୁର୍ବତନ ବିଧାୟକ ରମାକାନ୍ତ ସେଠ୍‌, ଉପସଭାପତି କୃଷ୍ଣ ଚନ୍ଦ୍ର ମିଶ୍ର, ପ୍ରହ୍ଳାଦ ଶତପଥି, ସହ ସମ୍ପାଦକ ପଦ୍ମଚରଣ ଆଚାର୍ଯ୍ୟ, ସତୃଘ୍ନ ସିଂ, ସାଧାରଣ ସମ୍ପାଦକ ହରିନାରାୟଣ ପୁଜାରୀ, କୋଷାଧ୍ୟକ୍ଷ ପ୍ରଭାତ ମିଶ୍ର, କ୍ରିକେଟ ସମ୍ପାଦକ ଓମ୍‌ପ୍ରକାଶ ଚାନ୍ଦ, ଫୁଟବଲ ସମ୍ପାଦକ ହେମନ୍ତ ବେହେରା, କାଉନସିଲ ସଦସ୍ୟ ଜୟରାମ ମିଶ୍ର, ରାଜେନ୍ଦ୍ର ପୁରୋହିତ, କୋଚ ଅରୁଣ କୁମାର ନାଏକ, ପୁର୍ବତନ କ୍ରିକେଟ ଖେଳାଳି ସୁର୍ଯ୍ୟ ନାରାୟଣ ମିଶ୍ର ଓ ହରେଶ ଦାନୀ ପ୍ରମୁଖ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଆଜିର ଉଦ୍‌ଘାଟନି ମ୍ୟାଚ୍ ଗାନ୍ଧି ନଗର କ୍ରିକେଟ କ୍ଳବ ଓ ମହାଲକ୍ଷ୍ମୀ କ୍ରିକେଟ କ୍ଳବ ମଧ୍ୟରେ ଅନୁଷ୍ଠିତ ହୋଇଥିଲା । ଗାନ୍ଧିନଗର କ୍ରିକେଟ କ୍ଳବ ପ୍ରଥମେ ବ୍ୟାଟିଂ କରି ୪୨.୪ ଓଭରରେ ସମସ୍ତ ଉଇକେଟ ହରାଇ ୨୩୧ ରନ୍ ସଂଗ୍ରହ କରିଥିଲେ । ଦଳ ପକ୍ଷରୁ ଟୁନା ମିଶ୍ର ସର୍ବାଧିକ ୪୭ ରନ୍ ସୁଜିତ ଚନ୍ଦନ ୩୭ ରନ୍ ଓ ଆସୁତୋଷ ବାଗ ୨୨ ରନ୍ ସଂଗ୍ରହ କରିଥିଲେ । ମହାଲକ୍ଷ୍ମୀ କ୍ରିକେଟ କ୍ଳବ ପକ୍ଷରୁ ସଫଳ ବୋଲର ଭାବେ ବୃତି ସୁନ୍ଦର ସାହୁ ସର୍ବାଧିକ ୪ ଗୋଟି, ସାଗର ଡୋଗରା ଓ ଶିବଦତ୍ ମାଝି ଉଭୟ ୨ ଗୋଟି ଉଇକେଟ ଅକ୍ତିଆର କରିଥିଲେ । ୨୩୨ ରନ୍‌ର ଲକ୍ଷକୁ ପିଛା କରିବାକୁ ଯାଇ ମହାଲକ୍ଷ୍ମୀ କ୍ରିକେଟ କ୍ଳବ ଦଳ ୨୭.୫ ଓଭରରେ ସମସ୍ତ ଉଇକେଟ ହରାଇ ମାତ୍ର ୮୯ ରନ୍ ସଂଗ୍ରହ କରିଥିଲେ । ଏହି ମ୍ୟାଚକୁ ଗାନ୍ଧି ନଗର ଦଳ ୧୪୨ ରନ୍‌ରେ ବିଜୟୀ ହୋଇଥିଲେ । ଗାନ୍ଧି ନଗର ଦଳ ତରଫରୁ ସଫଳ ବୋଲର ଭାବେ ଶିବରାଜ ମଲ୍ଲିକ ଓ ସୁଜିତ ଚନ୍ଦନ ଉଭୟେ ୩ ଗୋଟି ଉଇକେଟ ଅକ୍ତିଆର କରିଥିଲେ । ଆଜିର ଏହି ମ୍ୟାଚ୍ କୁ ପୃଥ୍ୱୀରାଜ ମିଶ୍ର ଓ ମୁକେଶ ସ୍ୱାଇଁ ପରିଚାଲନା କରିଥିବା ବେଳେ ଜଗତ ପ୍ରସାଦ ନାଏକ ସ୍କୋରର ଦାୟିତ୍ୱ ତୁଲାଇଥିଲେ ।