15-Mar-2021

ବଲାଙ୍ଗିର - ମାନ୍ୟବର ଉଚ୍ଚ ନ୍ୟାୟାଳୟ, ଓଡିଶା ମାନବ ଅଧିକାର କମିଶନ ଓ ଓଡିଶା ସରକାରଙ୍କ ନିର୍ଦ୍ଦେଶ ମାନୁ ନାହାନ୍ତି ଘରୋଇ ବିଦ୍ୟାଳୟ । ଜିଲ୍ଲାପାଳଙ୍କ ଠାରୁ ନ୍ୟାୟ ପାଇବା ଆଶାରେ ଅଭିଭାବକ ମହାସଂଘ ଗତ ତା.୦୮.୦୩.୨୦୨୧ ରେ ତାଙ୍କ ଦ୍ୱାରାସ୍ତ ହୋଇଥିଲେ । ମାତ୍ର ନ୍ୟାୟ ନ ପାଇ ନିରାଶ ହେବାରୁ ଆସନ୍ତା ୧୮.୦୩.୨୦୨୧ ରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ କରିବା ପାଇଁ ଓଡିଶା ଅଭିଭାବକ ମହାସଂଘ ଜିଲ୍ଲାପାଳଙ୍କୁ ଲିଖିତ ଆକାରରେ ଜଣାଇଛି । ଜିଲ୍ଲା ସଂଯୋଜକ ଚକ୍ରପାଣି ମିଶ୍ର ଓ ରାଜ୍ୟ ଉପ-ସଭାପତି ପ୍ରଦ୍ୟୁମ୍ନ କୁମାର ମିଶ୍ର ଆଜି ଲିଖିତ ଆକାରରେ ଜିଲ୍ଲାପାଳ ଓ ଜିଲ୍ଲା ଶିକ୍ଷାଧିକାରୀଙ୍କୁ ଆଜି ଜଣାଇଛନ୍ତି । ବଲାଙ୍ଗିରର ଲିଟିଲ ଫ୍ଲାୱାର ସ୍କୁଲ ସବୁ ନିୟମକୁ ଫୁ କରି ଗୋଟିଏ ବିଲରେ ଅନେକ ଛାତ୍ର ଛାତ୍ରୀଙ୍କୁ ବହି ବିକ୍ରି କରିଥିବାର ସାଙ୍ଘାତିକ ଅଭିଯୋଗ କରିଛି ଅଭିଭାବକ ମହାସଂଘ । ବିଲରେ ଛାତ୍ର ଛାତ୍ରୀଙ୍କ ନା ରହୁ ନ ଥିବାରୁ ଏଭଳି ବେଆଇନ କାମ ହୋଇପାରୁଛି ବୋଲି ବୁଦ୍ଧିଜିବି ମହଳରେ ମତ ପ୍ରକାଶ ପାଇଛି । ଜିଏସ୍‌ଟି ଠକେଇ ହେଉଥିବାର ସନ୍ଦେହ କରି ଜେଏସ୍‌ଟି କମିଶନରଙ୍କୁ ମଧ୍ୟ ଲିଖିତ ଆକାରରେ ଜଣାଇବା ପାଇଁ ସଂଘ ନିଷ୍ପତ୍ତି ନେଇଛି ।