12-Feb-2021

 ଖପ୍ରାଖୋଲ,(ଗୋରେଖନାଥ ବରିହା): ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଳକ ସାନବାଞିପାଲି ଗ୍ରାମର ଗରୀବ ଆଦିବାସୀ ସଂପ୍ରଦାୟ (ବିଂଝାଲ) ପରିବାରର କମଳ ବରିହା ଆଇ.ଏ.ଏସ ପରୀକ୍ଷା ଦେଇ ପ୍ରଥମ ପେପରରେ ପାସ କରିଛନ୍ତି । କମଳ ଅର୍ଥlଭାବ ଯୋଗୁଁ ଅନ୍ୟ ପେପର ଗୁଡିକର ପରୀକ୍ଷା ଦେବାକୁ ପ୍ରସ୍ତୁତ ହେଉଥିବା ବେଳେ ତାଙ୍କର ଅର୍ଥlଭାବ ଯୋଗୁଁ ସେ  ଆଇ.ଏ.ଆସ ପରୀକ୍ଷା ଦେବାକୁ  ସେ କୋଚିଂ କ୍ଳାସ  କରିପାରୁ ନ ଥିଲେ । କମଳ  ସର୍ବଭାରତୀୟ ବିଝାଂଲ ସମାଜ ଉପଲାଟ ସଭାପତି ଚନ୍ଦ୍ରଶେଖରବାଗଙ୍କୁ ଆର୍ଥିକ ସହାୟତା ଦେବାକୁ ଅନୁରୋଧ କରିଥିଲେ । ଧୁବଲପଡା ଠାରେ ବିଂଝାଲା ସମାଜ ର ବ୍ଳକ ସ୍ତରୀୟ  ଅନୁଷ୍ଠିତ ବୈଠକରେ ବିଂଝାଲ ସମାଜ ପକ୍ଷରୁ  କମଳ ବରିହାଙ୍କୁ  ପାଞ୍ଚ ହଜାର ଟଙ୍କା ଆର୍ଥିକ ସହାୟତା ରାଶି ପ୍ରଦାନ କରାଯାଇଥିଲା । କମଳ ଚଙ୍ଗରିଆ ପାଞ୍ଚଛକ ସ୍ଥିତ ମାଁ ପାଟଣେଶ୍ଵରୀ ମହାବିଦ୍ୟାଳୟରୁ  ବିଜ୍ଞାନ ରେ  ବି. ଏ ପାସ କରିଛନ୍ତି । କମଳ  ବିଂଝାଲ  ସମାଜର ଜଣେ ଗରିବ ମେଧାବୀ ଛାତ୍ର ହୋଇ ଥିବାରୁ ଅର୍ଥ ହିଁ ଆଇ. ଏ. ଏସ ପରୀକ୍ଷା ପ୍ରସ୍ତୁତିରେ ଅନ୍ତରାୟ ସ୍ରୁଷ୍ଟି କରୁଛି ବୋଲି ପ୍ରକାଶ କରିଛନ୍ତି ।  କମଳ ବରିହାଙ୍କ ପ୍ରତି ଜିଲ୍ଲା ପ୍ରଶାସନର ସୁଦୃଷ୍ଟି ପକାଇ କିଛି ଆର୍ଥିକ ସହାୟତା ଯୋଗାଇ ଦେବାକୁ ଦାବି ହେଉଛି ।