10-Feb-2021

କୋରାପୁଟ (ପ୍ରେରଣା ଖବର):  ପୁଣି ଅଲୋଡ଼ା ହେଲା ଶିଶୁ କନ୍ୟା। ଅଳିଆ ଗଦାରୁ ଗୁରୁତର ଅବସ୍ଥାରେ ଶିଶୁ କନ୍ୟାକୁ ଉଦ୍ଧାର କରାଯାଇଛି। ଅଳିଆ ଗଦାରେ ପଡ଼ିଥିବାବେଳେ କୁକୁର ଝୁଣି ଖାଉଥିବା ଲୋକେ ଦେଖିଥିଲେ। ଖବର ପାଇବା ପରେ ତତ୍‌କ୍ଷଣାତ୍ କୁକୁର ମୁହଁରୁ ଛୁଆଟିକୁ ଉଦ୍ଧାର କରିଛି ଚାଇଲ୍ଡ ଲାଇନ୍‌ । ହସ୍ପିଟାଲରେ ଶିଶୁର ଚିକିତ୍ସା ଜାରି ରହିଛି। କୋରାପୁଟ ଜିଲ୍ଲା କାକିରିଗୁମ୍ମାରେ ଦେଖିବାକୁ ମିଳିଛି ଏଭଳି ଅଭାବନୀୟ ଦୃଶ୍ୟ!! ସୂଚନାଯୋଗ୍ୟ ଯେ, କାକିରିଗୁମ୍ମା ହାଟପଦା ଅଳିଆ ଗଦାରୁ ଗୁରୁତର ଅବସ୍ଥାରେ ଶିଶୁ କନ୍ୟାକୁ ଉଦ୍ଧାର କରାଯାଇଛି । ଅଳିଆ ଗଦାରେ ପଡ଼ିଥିବାରୁ କୁକୁର ଝୁଣି ଥିବାରୁ ଶିଶୁଟି ଗୁରୁତର ହୋଇପଡ଼ିଛି। ଶିଶୁକୁ ଜିଲ୍ଲା ଶିଶୁ ସୁରକ୍ଷା ଅଧିକାରୀ କୋରାପୁଟର ମେଡ଼ିକାଲ କଲେଜରେ ଭର୍ତ୍ତି କରିଛନ୍ତି । ସେଠାରେ ଶିଶୁର ଚିକିତ୍ସା ଜାରି ରହିଛି । ତେବେ ବର୍ତ୍ତମାନ ସୁଦ୍ଧା ଶିଶୁ ପରିଚୟ ମିଳିପାରିନାହିଁ । କାହାର ଶିଶୁ ଓ ରେଳ ଲାଇନରେ କିଏ ଓ କାହିଁକି ପକାଇଥିଲା ଜଣା ପଡ଼ିନାହିଁ । ପୋଲିସର ତଦନ୍ତ ପରେ ସମ୍ପୂର୍ଣ୍ଣ ତଥ୍ୟ ସାମ୍ନାକୁ ଆସିପାରେ!!