04-Jul-2026

କଟକ(ତପନ ମହାନ୍ତି): ଚୌଦ୍ଵାର-କଟକ ବିଧାୟକ ସୌଭିକ ବିଶ୍ଵାଳଙ୍କ ବିରୋଧରେ ବିଜେଡି ଜିଲ୍ଲା ସାଧାରଣ ସଂପାଦକ ତାପସ ମହାନ୍ତି ହତ୍ୟା ଧମକ ଅଭିଯୋଗ ଆଣିଥିବା ବେଳେ ଆଜି ଓଡ଼ିଶା କ୍ରାନ୍ତି ମଞ୍ଚର ସଦସ୍ୟ ଏହାର ତୀବ୍ର ବିରୋଧ କରିଛନ୍ତି। କଟକ ମହାନଦୀବିହାରସ୍ଥିତ ରିଧିସିଧି ମଣ୍ଡପରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏହି ମଞ୍ଚର ସଦସ୍ୟମାନେ ତାପସଙ୍କୁ କଡ଼ା ସମାଲୋଚନା କରି ଅଭିଯୋଗ ସଂପୂର୍ଣ୍ଣ ମିଛ ଏବେ ମନଗଢା କାହାଣୀ ।  ବୋଲି କହିଛନ୍ତି। ସେମାନେ ଅଭିଯୋଗ କରିଛନ୍ତି ଯେ ତାପସ ମହାନ୍ତି ପୂର୍ବତନ ବିଧାୟକ ଡକ୍ଟର ପ୍ରଭାତ ରଞ୍ଜନ ବିଶ୍ଵାଳଙ୍କ ଦ୍ବାରା ଅନେକ ବାଟରେ ଉପକୃତ ହୋଇ ଏବେ ଏଭଳି ରଙ୍ଗ ବଦଳାଉଛନ୍ତି। ସୌଭିକଙ୍କ ଆଚରଣ, ବ୍ୟବହାର ଚୌଦ୍ଵାର-କଟକବାସୀଙ୍କୁ ଜଣା। ଏମିତି କି ତାପସଙ୍କୁ ସୌଭିକ ଦାଦା ବୋଲି ସମ୍ବୋଧନ କରନ୍ତି। ସୌଭିକଙ୍କ ବିରୋଧରେ ଏଭଳି ମିଥ୍ୟା ଅଭିଯୋଗ ତାପସ ଅମଣିଷ ପଣିଆର ସୂଚନା ଦେଇଛନ୍ତି ବୋଲି ସାମ୍ବାଦିକ ସମ୍ମିଳନୀରେ କୁହାଯାଇଛି। ବିଧାୟକଙ୍କ ସମ୍ମାନ ପ୍ରତି ଆଞ୍ଚ ଆସିଲେ ତାପସଙ୍କୁ ତାଙ୍କ ଶସ୍ତା ରାଜନୀତିର ଉଚିତ ଜବାବ ଦିଆଯିବ ବୋଲି ଚେତାବନୀ ଦିଆଯାଇଛି। ସାମ୍ବାଦିକ ସମ୍ମିଳନୀରେ ପୁଷ୍ପ ଲତା ସାହୁ, ଅକ୍ଷୟ ପଣ୍ଡା, ଦିଲୀପ ଜେନା, ସୁବାଶିଷ ରାଉତ ପ୍ରମୁଖ ଉପସ୍ଥିତ ଥିଲେ |