12-Jul-2026

(ଚିନ୍ତାମଣି  ନେତାମ )
ନୂଆପଡ଼ା ଜିଲ୍ଲା ଯାଦବ ସମାଜ ପକ୍ଷରୁ ରବିବାର କୋମନା ସାପ୍ତାହିକ ବଜାର ପଡ଼ିଆସ୍ଥିତ କଲ୍ୟାଣ ମଣ୍ଡପରେ ଜିଲ୍ଲା ସ୍ତରୀୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଥିଲା। ଜିଲ୍ଲାର ବିଭିନ୍ନ ବ୍ଲକ, ବିଜ୍ଞାପିତ ଅଞ୍ଚଳ ଏବଂ ସ୍ଥାନୀୟ ଯାଦବ ସମାଜର ସଭାପତି, କର୍ମକର୍ତ୍ତା, ସାମାଜିକ କର୍ମୀ ଓ ବହୁ ସଂଖ୍ୟକ ସଦସ୍ୟ ଯୋଗଦେଇ ସମାଜର ସାଙ୍ଗଠନିକ ବିକାଶ, ଶିକ୍ଷାର ପ୍ରସାର, ସାମାଜିକ ନ୍ୟାୟ, କୃଷିର ଉନ୍ନତି ଓ ଯୁବପିଢ଼ୀଙ୍କ ଭୂମିକା ଉପରେ ବିସ୍ତୃତ ଆଲୋଚନା କରିଥିଲେ।
କାର୍ଯ୍ୟକ୍ରମ ଆରମ୍ଭରେ ଅତିଥିମାନଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ପ୍ରଦାନ କରି ସ୍ୱାଗତ କରାଯାଇଥିଲା। ଜିଲ୍ଲା ଯାଦବ ସମାଜର ସମ୍ପାଦକ ଶ୍ରୀଯୁକ୍ତ ତ୍ରିନାଥ ପୁଞ୍ଜି କାର୍ଯ୍ୟକ୍ରମର ସଂଯୋଜନା କରିଥିବାବେଳେ ଦେବପୂଜନ ପରେ ସଭାପତି ଶ୍ରୀଯୁକ୍ତ ଭରତ ଲାଲ ରାଉତ ଉଦ୍ଦେଶ୍ୟ ଜ୍ଞାପନ କରି ସମାଜର ଏକତା, ଶିକ୍ଷା ଓ ସଂଗଠନର ଶକ୍ତିକୁ ସମୟର ଆବଶ୍ୟକତା ବୋଲି କହିଥିଲେ।
ମୁଖ୍ୟ ଅତିଥି ଭାବେ ଉତ୍କଳ ଯାଦବ ମହାସଭାର ମହାସଚିବ, ବଲାଙ୍ଗୀର ଜିଲ୍ଲା ଯାଦବ ସମାଜର ସଭାପତି ଏବଂ କଣ୍ଟାବାଞ୍ଜି ବିଧାୟକ ଶ୍ରୀଯୁକ୍ତ ଲକ୍ଷ୍ମଣ ବାଗ ଯୋଗଦେଇ କହିଥିଲେ ଯେ ସମାଜର ପ୍ରତ୍ୟେକ ପରିବାର ଶିକ୍ଷାକୁ ସର୍ବାଧିକ ପ୍ରାଥମିକତା ଦେବା ସହ ଯୁବପିଢ଼ୀଙ୍କୁ ସଂଗଠନ ସହ ଯୋଡ଼ିବା ଆବଶ୍ୟକ। ଶିକ୍ଷିତ, ସଂଗଠିତ ଓ ସଚେତନ ସମାଜ ହିଁ ଉନ୍ନତ ସମାଜର ପରିଚୟ ବୋଲି ସେ କହିଥିଲେ।
ମୁଖ୍ୟ ବକ୍ତା ଶ୍ରୀଯୁକ୍ତ ଲମ୍ବୋଦର ନିଆଲ ସମାଜର ଇତିହାସ, ପରମ୍ପରା ଓ ସଂଗଠନର ଭୂମିକା ଉପରେ ଆଲୋକପାତ କରି ସମସ୍ତଙ୍କୁ ମତଭେଦ ଭୁଲି ସମାଜର ବିକାଶ ପାଇଁ ଏକାଠି କାମ କରିବାକୁ ଆହ୍ୱାନ ଜଣାଇଥିଲେ।
ବିଶିଷ୍ଟ ଅତିଥି ଭାବେ ଶ୍ରୀଯୁକ୍ତ ହରେରାମ କଠାର ଯୋଗଦେଇଥିବାବେଳେ ସମ୍ମାନିତ ଅତିଥି ଭାବେ ଶିକ୍ଷାବିତ ଶ୍ରୀଯୁକ୍ତ ସତ୍ୟବ୍ରତ ଗହୀର,  ତ୍ରିଲୋଚନ ନାଗ,  ଚଞ୍ଚଳ ସଗରିଆ, କୃଷିବିତ ଶ୍ରୀଯୁକ୍ତ କୃଷ୍ଣଚନ୍ଦ୍ର ନାଗ, ସିନାପାଲି ବ୍ଲକ ଯାଦବ ସମାଜ ସଭାପତି ଲିଙ୍ଗରାଜ ଘିଭେଲା, କପିଳେନ୍ଦ୍ର ଭୋଇ,, ଡକ୍ଟର ଅର୍ଜୁନ ବାଗ , , ରାମଲାଲ ହଂସ,  ,ସନ୍ତୋଷ ନିଆଲ, କ୍ଷମା ସିଂ ନିଆଲ,   କୀର୍ତନ ପୋଡ଼,  ନିତ୍ୟାନନ୍ଦ କଟା,ଶ୍ରୀମତୀ ହେମଲତା  ନିଆଲ, ରାମ ଚନ୍ଦ୍ର କଟା, ଗଣେଶ ପୋଡ଼, କାର୍ତିକ ବାଗ, କୈଳାସ ବାଗ ଏବଂ ବରିଷ୍ଠ ସାମ୍ବାଦିକ ଘନଶ୍ୟାମ ଭୋଇ ପ୍ରମୁଖ ଉପସ୍ଥିତ ଥିଲେ।
ବୈଠକରେ କୃଷି, ଶିକ୍ଷା, ସ୍ୱାବଲମ୍ବନ, ସାମାଜିକ ନ୍ୟାୟ, ମହିଳାଙ୍କ ଅଂଶଗ୍ରହଣ, ଯୁବଶକ୍ତିର ବିକାଶ ଏବଂ ସଂଗଠନକୁ ତୃଣମୂଳ ସ୍ତରରୁ ଅଧିକ ସୁଦୃଢ଼ କରିବା ନେଇ ବିସ୍ତୃତ ଆଲୋଚନା ହୋଇଥିଲା। କୃଷିବିତ କୃଷ୍ଣଚନ୍ଦ୍ର ନାଗ ଆଧୁନିକ କୃଷି ପ୍ରଣାଳୀ ଓ ଉତ୍ପାଦନ ବୃଦ୍ଧି ସମ୍ପର୍କରେ କୃଷକମାନଙ୍କୁ ମୂଲ୍ୟବାନ ପରାମର୍ଶ ଦେଇଥିଲେ।
ସିନାପାଲି ବ୍ଲକ ଯାଦବ ସମାଜର ସଭାପତି ଲିଙ୍ଗରାଜ ଘିଭେଲାଙ୍କ ଓଜସ୍ୱୀ, ଯୁକ୍ତିପୂର୍ଣ୍ଣ ଓ ପ୍ରେରଣାଦାୟକ ଅଭିଭାଷଣ ସଭାର ଅନ୍ୟତମ ଆକର୍ଷଣ ପାଲଟିଥିଲା। ସମାଜର ଏକତା, ସଂଗଠନର ସୁଦୃଢ଼ୀକରଣ ଏବଂ ଯୁବପିଢ଼ୀଙ୍କ ଦାୟିତ୍ୱବୋଧ ଉପରେ ତାଙ୍କର ସ୍ପଷ୍ଟ ବକ୍ତବ୍ୟ ଉପସ୍ଥିତ ସଦସ୍ୟଙ୍କୁ ବେଶ ପ୍ରଭାବିତ କରିଥିଲା। ତାଙ୍କ ଉଦ୍ବୋଧନ ପରେ ସଭାସ୍ଥଳୀ କରତାଳିରେ ବାରମ୍ବାର ଗୁଞ୍ଜରିତ ହୋଇଉଠିଥିଲା।
ପରିଶେଷରେ ସଭାପତି ଭରତ ଲାଲ ରାଉତ ବୈଠକର ସମୀକ୍ଷା କରି ବିଭିନ୍ନ ସାଙ୍ଗଠନିକ ପ୍ରସ୍ତାବ ଉପରେ ଆଲୋଚନା କରିଥିଲେ। ବିଶିଷ୍ଟ ଅତିଥି ଓ ସମାଜର ବରିଷ୍ଠ କର୍ମକର୍ତ୍ତାଙ୍କୁ ସମ୍ବର୍ଦ୍ଧିତ କରାଯାଇଥିଲା। ରାଜ୍ୟ ପ୍ରଚାର ପ୍ରସାର ସଂଯୋଜକ କୁନୁ କରିଆଁ ଧନ୍ୟବାଦ ଅର୍ପଣ କରିଥିବାବେଳେ  କୈଳାଶ ବାଗ, ତୋଫାନ ନିଆଲ, ବଳମତ ବାଗ, ଦିବାକର ସଗରିଆ, ଠାକୁର ନାଗ, ସୁରେଶ ବାଗ, ଜଗଦୀଶ ନାଗ ଓ ହେମନ୍ତ କଟାଙ୍କ ସମେତ ବହୁ କର୍ମକର୍ତ୍ତା କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ।