12-Jul-2026

ବଲାଙ୍ଗିର, ସ୍ଥାନୀୟ ଅଘରିଆ ଭବନ ଠାରେ ଯୁବକବି ସୁରେନ୍ଦ୍ର କୁମାର ପଟେଲଙ୍କ କୋସଲି ରାମାୟଣ ର ଶୁଭ ଉନ୍ମୋଚନ ଓ ତହଁକ କୁଟୁମ୍ ର ଝକେର କବିତା ଆସର ସ୍ଥାନୀୟ ଅଘରିଆ ଭବନ ଠାରେ ଅନୁଷ୍ଠିତ ହୋଇଯାଇଛି  । ପଦ୍ମଶ୍ରୀ ହଲଧର ନାଗ ମୁଖ୍ୟ ଅତିଥି ଭାବେ ଯୋଗଦେଇ କୋସଲି ଭାସାର ଭଣାର କୁ କବି ପଟେଲଙ୍କ କୋସଲି ରାମାୟଣ ବରକସ କରବାର ସାଙ୍ଗେ ଆମକୁ ବଫୁ ଦେଇଛେ ବଳି କହିଥିଲେ।  ସ୍ଵାମୀ ତେୟୋମୟ ସରସ୍ଵତୀ, ଜିଲ୍ଲା ଲେଖକ ପରିଷଦ ସଂପାଦକ ଶୁସାନ୍ତ ବାଗ , ତହଁକ ସଂପାଦକ ରାଜେଶ ଦଣ୍ଡସେନା ପ୍ରମୁଖ ସମ୍ମାନିତ ଅତିଥି ଭାବେ ମଞ୍ଚାସୀନ ଥିଲେ । କବି ଅଧ୍ୟାପକ ବ୍ରଜ ମୋହନ ମେହେର କୋଶଲୀ ରାମାୟଣର ସମୀକ୍ଷା କରିଥିଲେ  । କବି ପଟେଲଙ୍କ ରାମାୟଣ ପ୍ରଥମ କାଣ୍ଡ ଏବଂ ଅଯୋଧ୍ୟା କାଣ୍ଡ ଅତିଥି ମାନଙ୍କ ଦ୍ଵାରା ଲୋକାର୍ପଣ ହୋଇଥିଲା। 
ନିରୂପମା ପଟେଲ ଅତିଥି ପରିଚୟ ପ୍ରଦାନ କରିଥିବା ବେଳେ ସଭାକୁ ପ୍ରକୃତିବନ୍ଧୁ ଦିଗାମ୍ବର ନାଏକ ପରିଚାଲନା କରିଥିଲେ। ଶେଷରେ ଭକ୍ତବନ୍ଧୁ ନାଏକ ମୃଦଙ୍ଗ ବାୟନ ରାମାୟଣ ଗୀତ ଗାଇ ମନମୁଗ୍ଧ କରିଥିଲେ । ଦ୍ଵିତୀୟ ଅଧିବେଶନରେ ଝକେର କୋସଲି କବିତା ଆସରରେ କବି ନିରଞ୍ଜନ ପଣ୍ଡା, ଜଗବନ୍ଧୁ ପଟେଲ,  ଅର୍ଜୁନ କୁମାର ସାହୁ ଅତିଥି ଭାବେ ମଞ୍ଚାସୀନ ଥିଲେ  । ବଲାଙ୍ଗିର, ବରଗଡ଼, ନୁଆପଡା, ସୋନପୁର, ବୌଦ୍ଧ, କଲାହାଣ୍ଡି ଜିଲ୍ଲାରୁ ଶତାଧିକ କବି କବୟିତ୍ରୀ ଯୋଗଦେଇ ସ୍ୱରଚିତ କବିତା ପାଠ କରିଥିଲେ। ଏହି ଆସରକୁ ଜ୍ୟୋତିରାଣୀ ମିଶ୍ର ପରିଚାଳନା କରିଥିବାବେଳେ ନିକିତା ସା ଓ ସୁଦେଷ୍ଣା ମିଶ୍ର କବିତା ସଂଯୋଜନା କରିଥିଲେ  । ସୌକିଲାଲ୍ , ସନ୍ତୋଷ ,ଭକ୍ତଚରଣ , ସୁରେନ୍ଦ୍ର , ସ୍ଵାଧୀନ , ସଚିନ ପଟେଲ, ଭୀଷ୍ମ , ଗୟାଧର , ମହେନ୍ଦ୍ର , ସୁଷମା , ଭରତ , ନିରୁପମା , ସରସ୍ଵତୀ ସାଲିନି, ମାନସୀ ଏବଂ ୮୪ ଘର ଅଘରିଆ ସମାଜ ସହଯୋଗ କରିଥିଲେ। ଶେଷରେ କବି ମିଲନ ପଣ୍ଡା ଧନ୍ୟବାଦ ଅର୍ପଣ କରିଥିଲେ  ।