12-Jul-2026

ବଲାଙ୍ଗିର - ସ୍ଥାନୀୟ ମାଲପଡା ସ୍ଥିତ ମଣ୍ଟେଶ୍ୱରୀ ପବ୍ଲିକ ସ୍କୁଲରେ ଏକ ପେଡ୍ ମା କେ ନାମ କାର୍ଯ୍ୟକ୍ରମ ଆଜି ଆୟୋଜିତ ହୋଇଯାଇଛି । ଆଜିର ଦିବସଟିକୁ ବୃକ୍ଷରୋପଣ ଆମରି ପଣ ପ୍ରସଙ୍ଗରେ ଛାତ୍ର ଛାତରୀଙ୍କ ମନରେ ଉଦ୍ଘୋଷିତ ହେଉ ବୋଲି ସ୍କୁଲର ମ୍ୟାନେଜିଂ ଡାଇରେକ୍ଟର ରବିଚନ୍ଦ୍ର ଉପଦ୍‌ଗାତା ମତ ପ୍ରକାଶ କରିଥିଲେ । କାର୍ଯ୍ୟକ୍ରମରେ ସ୍କୁଲ ଚେୟାରମେନ ବୀରେନ୍ଦ୍ର କୁମାର ଉଦ୍‌ଗାତା ଅଧ୍ୟକ୍ଷତା କରିଥିଲେ ।

ପ୍ରାଇମେରୀ ସେକ୍ସନ ପ୍ରିନ୍ସିପାଲ ଅଭିସ୍ମିତା ଦାସ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ସ୍କୁଲ ସେକେଣ୍ଡାରୀ ପ୍ରିନ୍ସିପାଲ ଡ. ରବିଚନ୍ଦ୍‌ର ପଶାୟତ ଦିବସର ଉଦ୍ଦେଶ୍ୟ ଜ୍ଞାପନ କରିଥିଲେ । ସାମ୍ବାଦିକ ଆକୁଳ ବେହେରା ଅତିଥି ଭାବେ ଯୋଗଦାନ କରି ମତବ୍ୟକ୍ତ କରିଥିଲେ । ଆଜିର ସକାଳ କାର୍ଯ୍ୟକ୍ରମରେ ସ୍କୁଲର ନିଜସ୍ୱ କ୍ୟାମ୍ପସ ଭାଲେର ଠାରେ ବିଭିନ୍ନ କିସମର ୫୦ ଗୋଟି ଚାରା ରୋପଣ କରାଯାଇଥିବା

ବେଳେ ମାଲପଡା ସ୍ଥିତ କ୍ୟାମ୍ପସ ରେ ଶିକ୍ଷକ ଆରତୀ ପ୍ରିୟଦର୍ଶିନି, ଜସ୍ମିନ ଉଦ୍‌ଗାତା, ଅନୁପମା ତନ୍ତୀ ପ୍ରାରମ୍ଭିକ ସଂଗୀତ ଗାନ କରିଥିଲେ । ସ୍କୁଲର ସ୍କାଉଟ, ଗାଇଡ, ରେଡକ୍ରସ ୟୁନିଟ ଇକୋ କ୍ଲବର ସମସ୍ତ ଛାତ୍ର ଛାତ୍ରୀ ବୃକ୍ଷରୋପଣ କାର୍ଯ୍ୟକ୍ରମରେ ଯୋଗଦାନ କରିଥିଲେ । ଶିକ୍ଷକ ଆଶିକ ଯୋଷୀ ସ୍ୱାଗତ ଅଭିଭାଷଣ ଦେଇଥିବା ବେଳେ ରୋହିତ ବକୁଲ ଧନ୍ୟବାଦ ଅର୍ପଣ କରିଥିଲେ ।