12-Jul-2026

ନବରଙ୍ଗପୁର-(ମିହିର ଶଙ୍କର ପାତ୍ର)
 ଡାବୁଗାଁ ବ୍ଲକ ଡଙ୍ଗରିଗୁଡ଼ା ପଞ୍ଚାୟତ  ବୋରୀପଦର ଗ୍ରାମରେ ଭାଲୁ ଆତଙ୍କ ଦେଖିବାକୁ ମିଳିଛି। ଶନିବାର ରାତ୍ର ସମୟରେ ଏକ ଭାଲୁ ବୋରିପଦର ଗ୍ରମରେ  ବୁଲୁଥିବା ଦେଖିବାକୁ ମିଳିଥିଲା । ବହୁ ସମୟ ଧରି ସେ ଗ୍ରାମ ଏବଂ ଆଖ ପାଖ ଅଂଚଳରେ ବୁଲାବୁଲି କରୁଥିବାରୁ ଗ୍ରାମବାସୀ ଡାବୁଗାଁ ବନ ବିଭାଗକୁ ଖବର ଦେଇଥିଲେ।ଡାବୁଗାଁ ବନ ବିଭାଗର ଫରେଷ୍ଟର ପ୍ରଫୁଲ୍ଲ ମାଝୀ ଓ ଅନ୍ୟ କର୍ମଚାରୀଙ୍କ ସହଯୋଗରେ ଭାଲୁକୁ ଘୋଡାଇବାକୁ ଚେଷ୍ଟା କରିଥିଲେ । ପରେ ଭାଲୁ ଟି ପାଖ ରେ ଥିବା ଜଙ୍ଗଲ ମଧ୍ୟକୁ ଚାଲିଯାଇଥିଲା । ଏନେଇ ବୋରିପଦର ଗ୍ରାମରେ ଆତଙ୍କ ଖେଳିଛି । ଭାଲୁଟି ଖାଦ୍ୟ ଅନ୍ୱେଷଣରେ ସେଠାକୁ ଆସିଥିବା ଡାବୁଗାଁ ବନାଞ୍ଚଳ ଅଧିକାରୀ ରମ ଚନ୍ଦ୍ର ଭତ୍ରା ସୂଚନା ଦେଇଛନ୍ତି । ଯଦି ଭାଲୁକୁ ଦେଖନ୍ତି ସଙ୍ଗେ ସଙ୍ଗେ ବନ ବିଭାଗ କୁ ଖବର ଦେବାପାଇଁ ସେ କହିଛନ୍ତି ।