07-Jul-2026

ନବରଙ୍ଗପୁର(ପ୍ରିୟଦର୍ଶିନୀ ପାତ୍ର)
ଡାବୁଗାଁ ବ୍ଲକ ଡୁମୁନିଗୁଡ଼ା ଗ୍ରାମର ୧ନଂ ଅଙ୍ଗନୱାଡି ଘର ର ଅବସ୍ଥା ସୋଚୋନୀୟ ଦେଖି ପିଲାଙ୍କୁ ନେଇଗଲେ ଅଭିଭାବକ  । ନୂତନ  ଅଙ୍ଗନୱାଡି ଘର ନିର୍ମାଣ ନାହେଵା ଯାଏଁ ପିଲାଙ୍କୁ ଅଙ୍ଗନୱାଡି ନ ଛାଡ଼ିବା ନେଇ ନିଷ୍ପତି ନେଲେ ଗ୍ରାମବାସୀ । ସୂଚନା ଯୋଗ୍ୟ ଡୁମୁନିଗୁଡ଼ା ଗ୍ରାମର ୧ନଂ ଅଙ୍ଗନୱାଡି ଏକ କମ୍ୟୁନିଟି ଗୃହରେ ପ୍ରାୟ ୧୫ବର୍ଷ ହେଲାଣି ଚାଲୁରହିଛି ।  ଅଙ୍ଗନୱାଡି କର୍ମୀ ଅମିତା ବେହେରା ଗ୍ରମାରେ ନିଜସ୍ଵ ଅଙ୍ଗନୱାଡି ଗୃହ ପାଇଁ ବାରମ୍ବାର ପ୍ରଶାସନକୁ  ଜଣାଇଥିଲେ ମଧ୍ଯ କୌଣସି ଲାଭ ମିଳିନାହିଁ । ଯେଉଁ ଗୃହରେ ବର୍ତ୍ତମାନ ଅଙ୍ଗନୱାଡି ଗୃହ ଚାଲୁରହିଛି ତାହା ର ଅବସ୍ଥା ନ କହିବା ଭଲ । କେତେବେଳେ ତାହା ର ଛାତ ପିଲାଙ୍କ ଉପରେ ପଡ଼ିଯିବ  ତାହା କହିହେବ ନାହିଁ ।  ଲଗାଣ ବର୍ଷା ଯୋଗୁଁ କାନ୍ଥ ଭୁଶୁଡ଼ିବାରେ ବିଳମ୍ବ ହେବନି । ଏହା ଦେଖି ଅଭିଭାବକ ମାନେ ଆସି ଅଙ୍ଗନୱାଡ଼ି ରେ ପଢୁଥିବା ୪୨ ଜଣ ପିଲାଙ୍କୁ ନିଜ ଘରକୁ ନେଇ ଯାଇଥିଲେ ଓ ଏପରି ପରିସ୍ଥିତିରେ ନିଜ ପିଳଙ୍କୁ ବିପଦ ମୁହଁକୁ ନ ଛାଡ଼ିବା ନେଇ ନିଷ୍ପତି ନେଇଥିଲେ । ଏନେଇ ଅଙ୍ଗନୱାଡି କର୍ମୀ ଶ୍ରୀମତୀ ବେହେରା ଏକ ଲିଖିତ ଅଭିଯୋଗ ଡାବୁଗାଁ ସିଡିପିଓ ଙ୍କୁ ଦିଆଯାଇଛି । ଏପରି ପିଲାଙ୍କ ଭବିଷ୍ୟତ ସହ ନ ଖେଳିବା ନେଇ ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି ।

?:-   ମରାମତି ନ ହେବା ଯାଏଁ ପିଲାଙ୍କୁ ଅଙ୍ଗନୱାଡି ଛାଡ଼ିବେ ନାଇଁ ଅଭିଭାବକ