09-Feb-2021

ଉଲୁଣ୍ଡା(ଗୌରଚନ୍ଦ୍ର ପରିଛା)- ମହାମାରୀ କରୋନା ପାଇଁ ଦୀର୍ଘ ଦଶମାସ ପରେ ଆଜି ନବମ ଏବଂ ଏକାଦଶ ଶ୍ରେଣୀ ଖୋଲିବା ସହ ପାଠପଢା ଆରମ୍ଭ ହୋଇଛି ।  ଏହି କ୍ରମରେ ଆଜି ଉଲୁଣ୍ଡା ବ୍ଲକର ସରକାରୀ ଓ ବେଶରକାରୀ ୧୯ଟି ହାଇସ୍କୁଲର  ପ୍ରଥମ ଦିନରେ ନବମ ଶ୍ରେଣୀର ୧୩୩୦ ରୁ ୬୫୯ ଜଣ ଏବଂ ୭ଟି କଲେଜର ୧୧୭୬ ରୁ  ୩୭୭ ଜଣ ଛାତ୍ରଛାତ୍ରୀ ପଢିବାକୁ ଆସିଥିବା ଜଣାପଡିଛି । ସୂଚନା ଅନୁସାରେ ଉଲୁଣ୍ଡା ହାଇସ୍କୁଲର ୯୦, ଆଂଚଲିକ ବାଲିକା ହାଇସ୍କୁଲ ୭, ସରସ୍ୱତୀ ଶିଶୁବିଦ୍ୟାମନ୍ଦିର୧୪, ପଂଚାୟତ ସମିତି କଲେଜ ୫୮, ମେଟାକାନୀ ମହିଲା କଲେଜ ୧୧, କଲାପଥର ହାଇସ୍କୁଲ ୫୦ ଏବଂ କଲେଜ ୫୩, ନିମନା ହାଇସ୍କୁଲ ୩୯, ଜାଲୋଏ ହାଇସ୍କୁଲ ୩୭ ଏବଂ କଲେଜ ୬, ବିଶିପଡା ହାଇସ୍କୁଲ ୫୭ ଜଣ, ଜଉଁରାଭଉଁରା ହାଇସ୍କୁଲ ୧୩, ସିଣ୍ଢୋଲ ହାଇସ୍କୁଲ ୧୪ ଏବଂ କଲେଜ ୧୪୪, କେଉଟିପାଲି ହାଇସ୍କୁଲ ୧୭, ଧର୍ମସାଲା ହାଇସ୍କୁଲ ୫୭ ଏବଂ କଲେଜ ୪୦, କ୍ଷେମାଲୋଏ ହାଇସ୍କୁଲ ୨୯, ପଂଚମହଲା ହାଇସ୍କୁଲ ୬୧, କୋଟସମଲାଇ ହାଇସ୍କୁଲ ୩୩, କାଦୋଦର ହାଇସ୍କୁଲ ୧୮ ଏବଂ କଲେଜ ୬୫, ଚଢେଇପଙ୍କ ହାଇସ୍କୁଲ ୨୨, ନାରାୟଣୀ ସସ୍କୃତ ବିଦ୍ୟାଳୟ ୧୩, ହିଙ୍ଗମା ହାଇସ୍କୁଲ ୪୭ ଏବଂ  ଝାରାବାହାଲି ଓଡିଶା ଆଦର୍ଶ ବିଦ୍ୟାଳୟକୁ ୪୧ ଜଣ ଛାତ୍ରଛାତ୍ରୀ ପଢିବାକୁ ଆସିଥିବା ଜଣାପଡିଛି । ତେବେ ସମସ୍ତ ଛାତ୍ରଛାତ୍ରୀ ସ୍କୁଲ ଭିତରକୁ ପ୍ରବେଶ କରିବା ପୁର୍ବରୁ ଫୁଲ ଚନ୍ଦନ ଦେବା ସହ ଗୋଟିଏ ଗୋଟିଏ କଲମ ଉପହାର ଦିଆଯାଇଥିଲା । ଫଳରେ ଛାତ୍ରଛାତ୍ରୀଙ୍କ ମନରେ ଉତ୍ସାହ ଦେଖାଦେଇଥିଲା ।