26-Jun-2026

ଲୋଇସିଂହା, (ବିନୋଦ ଦୀପ) ଆଜି ଲୋଇସିଂହା ନିର୍ବାଚନ ମଣ୍ଡଳୀ ଜୋନ 34 ଅନ୍ତର୍ଗତ କୁସମେଲ ମଣ୍ଡଳ ସଭାପତି ମଣ୍ଟୁ ସାହୁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ଲୋଇସିଂହା ବିଧାୟକ ତଥା ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼. ମୁକେଶ ମହାଳିଙ୍ଗ ଯୋଗ ଦେଇଥିଲେ l ପ୍ରଥମେ ତଳିଉଡାର ପଂଚାୟତ ଟାଙ୍ଗର ପଡା କୁ ପହଂଚିଥିଲେ ସେଠାରେ ମନ୍ତ୍ରୀ ଡ଼. ମହାଳିଙ୍ଗ କୁ ହୁଳହୁଳି ସହ ଫୁଲମାଳ ଦେଇ ବାଜା ବଜାଇ ସୁ ସ୍ୱାଗତ କରିଥିଲେ l ପ୍ରଥମେ ଟାଙ୍ଗରପଡା ରେ ଗୋଷ୍ଠୀ କେନ୍ଦ୍ର କୁ ଶୁଭ ଉଦଘାଟନ କରି ବୁରୋମୁଣ୍ଡା ରେ ସୂର୍ଯ୍ୟପମ୍ପ ଯୋଗେ ପାଣି ଯୋଗାଣ ର ଉଦଘାଟନ କରିଥିଲେ l ପରେ ତଳିଉଡାର କୁ ଯାଇ ରାମଲୀଳା ମଣ୍ଡପ ର ଶୁଭ ଉଦଘାଟନ କରିଥିଲେ l

ପରେ ସରଗାଡ଼ ପଂଚାୟତ ସିଂହାଣୀମୁଣ୍ଡା ରେ ତହସିଲଦାର ଟିକନୁ ପୁଟା ଙ୍କ ଉପସ୍ଥିତି ରେ ଭୂମିହୀନ ହିତାଧିକାରୀ ଙ୍କୁ ଘରଡ଼ିହ ପଟ୍ଟା ବଣ୍ଟନ ଓ ଜମି ଚି଼ହ୍ନଟିକରଣ କାର୍ଯ୍ୟକ୍ରମ ରେ ଯୋଗ ଦେଇଥିଲେ l ଏହାସହ ଓଡିଶା ସରକାର ଙ୍କ ଦୁଇବର୍ଷ ଓ କେନ୍ଦ୍ର ରେ 12 ବର୍ଷ ର ଜନହିତକର କାର୍ଯ୍ୟ ଯେଉଁଟା କି ଭତ୍ତା, ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନା, ଆବାସ ଗୃହ, ସୁଭଦ୍ରା ଭଳି ସରକାର ଙ୍କ ସଫଳ ଯୋଜନା ବାବଦରେ ଲୋକଙ୍କ ସାମ୍ନାରେ ବକ୍ତବ୍ୟ ରଖିଥିଲେ l ଅନ୍ୟ ମାନଙ୍କ ମଧ୍ୟରେ ଲେକୃ ତ୍ରିପଠି, ଟଙ୍କ ପଧାନ, ସୁରେଶ ବିଶି, ସରପଞ୍ଚ ହିମାଞ୍ଚଳ ମେହେର, ଜିତୁ ସାହୁ, ନୀଳାଞ୍ଚଳ ପାତ୍ର ଉପସ୍ଥିତ ରହି କାର୍ଯ୍ୟକ୍ରମ ରେ ସହଯୋଗ କରିଥିଲେ l