26-Jun-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )  ସୋନପୁର ବିଧାନସଭା ମଣ୍ଡଳୀ ନିର୍ଦ୍ଧାରିତ ସମୟ ସୀମାର ବହୁ ପୂର୍ବରୁ ପରିଗଣନା ଫର୍ମ ବଣ୍ଟନ ତଥା ଡିଜିଟାଇଜେସନ୍ କାର୍ଯ୍ୟ ୧୦୦% ସମ୍ପୂର୍ଣ୍ଣ କରିବାରେ ସଫଳ ହୋଇଛି । ଉପ-ଜିଲ୍ଲାପାଳ ତଥା ERO, ୬୫ - ସୋନପୁର AC ଡଃ ସୌମ୍ୟରୂପା ରଥଙ୍କ ତତ୍ତ୍ଵାବଧାନରେ ସମସ୍ତ ୭ ଜଣ AERO, ୩୨ ଜଣ ବି.ଏଲ୍.ଓ. ସୁପରଭାଇଜର୍‌ ଓ ୩୧୯ ଜଣ ବି.ଏଲ୍.ଓ.ଙ୍କ ମିଳିତ ସହଯୋଗ ତଥା ଉଦ୍ୟମ ଯୋଗୁଁ ଏହା ସମ୍ଭବ ହୋଇପାରିଛି । ଏହି ବିଧାନସଭା ମଣ୍ଡଳୀର ସମସ୍ତ ୨,୫୩,୭୨୪ ଜଣ ଭୋଟରଙ୍କର ପରିଗଣନା ଫର୍ମ ବି.ଏଲ୍.ଓ ଆପ୍ ମାଧ୍ୟମରେ ଅପ୍‌ଲୋଡ୍ କରାଯାଇଛି । ଏହାପରେ ୨୪.୬.୨୬ ଓ ୨୫.୬.୨୬ ଦୁଇ ଦିନ ଧରି ବି.ଏଲ୍.ଓ - ବି.ଏଲ୍.ଏ ମିଟିଙ୍ଗମାନ ସମସ୍ତ ୩୧୯ଟି ବୁଥ୍‌ରେ ଅନୁଷ୍ଠିତ ହୋଇଯାଇଛି ଯେଉଁଥିରେ ଅନୁପସ୍ଥିତ, ମୃତ ତଥା ସ୍ଥାନାନ୍ତରିତ ଭୋଟରମାନଙ୍କର ତାଲିକା ପଠନ ଓ ଦୃଢୀକରଣ କରାଯାଇଥିଲା । ଏଥି ନିମନ୍ତେ ସର୍ବପ୍ରଥମେ ଡିଜିଟାଇଜେସନ୍ ପ୍ରକ୍ରିୟା ୧୦୦% ସମ୍ପାଦନ କରିଥିବା ସର୍ବୋତ୍ତମ ୩୪ ଜଣ ବି.ଏଲ୍.ଓ, ୬ ଜଣ ବି.ଏଲ୍.ଓ ସୁପରଭାଇଜର, ୫ ଜଣ SIR ଆସିଷ୍ଟାଣ୍ଟ୍ ଓ ଅଫିସର୍‌ମାନଙ୍କୁ ଜିଲ୍ଲାପାଳ ସୁବର୍ଣ୍ଣପୁର, ଅତିରିକ୍ତ ଜିଲ୍ଲାପାଳ ସୁବର୍ଣ୍ଣପୁର ଓ ଉପ-ଜିଲ୍ଲାପାଳ, ସୋନପୁରଙ୍କ ଦ୍ୱାରା ମାନପତ୍ର ତଥା ସ୍ମୃତି ଫଳକ ଦିଆଯାଇ ସମ୍ବର୍ଦ୍ଧନା କରାଯାଇଥିଲା । ଏଥିରେ ସମସ୍ତ SIRର କର୍ମକର୍ତ୍ତାମାନେ ଖୁସି ବ୍ୟକ୍ତ କରିଥିଲେ ଓ ଉତ୍ସାହିତ ହୋଇଥିଲେ ।