26-Jun-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର): ସୁବର୍ଣ୍ଣପୁର ଜିଲ୍ଲା ପୋଲିସ ତଥା ସୁବର୍ଣ୍ଣପୁର ଆରକ୍ଷୀ ଅଧିକ୍ଷକଙ୍କ ଆଦେଶ କ୍ରମେ ଡୁଙ୍ଗୁରିପାଲି ଥାନା ପୋଲିସ ପକ୍ଷରୁ ରବିବାର ବରିଷ୍ଠ ନାଗରିକଙ୍କ ପରିଚୟ ପତ୍ର ପ୍ରଦାନ ଉତ୍ସବ  ଥାନା ପରିସରରେ ଅନୁଷ୍ଠିତ ହୋଇ ଯାଇଛି |କାର୍ଯ୍ୟକ୍ରମରେ ଡୁଙ୍ଗୁରିପାଲି ଥାନାଅଧିକାରୀ ରୋଜାଲିନ ପଟେଲ ଙ୍କ ଅଧକ୍ଷତା ରେ ଏକ ସଭା ଅନୁଷ୍ଠିତ ହୋଇଥିଲା |ଡୁଙ୍ଗୁରିପାଲି ଥାନା ଅଧିନରେ ଥିବା ବିଭିନ୍ନ ଗ୍ରାମର ବହୁ ସଂଖ୍ୟା ରେ ବରିଷ୍ଠ ନାଗରିକବୃନ୍ଦ ଯୋଗଦେଇଥିଲେ |ସଭାରେ ପ୍ରଥମେ ବରିଷ୍ଠ ନାଗରିକଙ୍କୁ ଥାନା ପୋଲିସ ପକ୍ଷରୁ ସ୍ୱାଗତ ଜଣାଇ ଥଣ୍ଡା ପାନୀୟ ଜଳ ଓ ଜଳଖିଆ ଦିଆଯାଇଥିଲା |ସଭା କାର୍ଯ୍ୟକ୍ରମକୁ ଏସଆଇ ଅମିତ କୁମାର ଧଳ ପରିଚାଳନା କରିଥିଲେ |ସଭା ରେ ଥାନା ଅଧିକାରୀ ରୋଜାଲିନ ପଟେଲ, ବରିଷ୍ଠ ନାଗରିକଙ୍କୁ ସରକାରଙ୍କ ତରଫରୁ ଆସୁଥିବା ବିଭିନ୍ନ ଯୋଜନାର ସୁବିଧା ଓ ପରିଚୟ ପତ୍ର ପ୍ରଦାନ ଦ୍ଵାରା ମିଲୁଥିବା  ଉପକାରିତା ବିଷୟରେ କହିବା ସହ ବସ ପାସ,ବରିଷ୍ଠ ନାଗରିକମାନେ କଣ ସବୁ କରିବେ ନାହିଁ ଓ ପୋଲିସ ପ୍ରଶାସନ ପକ୍ଷରୁ ୨୪ ଘଣ୍ଟିଆ ସେବା ଦେବା ଉପରେ ଅବଗତ କରାଇ  ଉପସ୍ଥିତ ଥିବା ୨୯ ଜଣ ମହିଳା ଓ ପୁରୁଷଙ୍କୁ ବରିଷ୍ଠ ନାଗରିକ ପରିଚୟ ପତ୍ର ପ୍ରଦାନ କରିଥିଲେ |ବରିଷ୍ଠ ନାଗରିକ ମାନେ ନିଜ  ନିଜ ମତ ପ୍ରକାଶ କରି ସରକାର ଙ୍କ ଏପରି ପ୍ରୟାସ ଙ୍କୁ ପ୍ରଶଂସା କରି ଉତ୍ସାହିତ ହୋଇଥିଲେ |ଶେଷରେ ଏସଆଇ ଏକାଦସିଆ ପଧାନ ଧନ୍ୟବାଦ ଅର୍ପଣ କରିଥିଲେ | ଏଏସଆଇ ବିନା ନାଗ, ଜ୍ୟୋତିରଞ୍ଜନ ମିଶ୍ର, ହାବିଲଦାର ସତ୍ୟନାରାୟଣ ମିଶ୍ର, ସମସ୍ତ ପୋଲିସ କର୍ମଚାରୀ ସଭାରେ ଉପସ୍ଥିତ ଥିଲେ |